ԵԽ նախագահը պատմական է համարում Երևանում անցկացվող գագաթնաժողովը
Mon, 04 May 2026 15:30:19 +0400
Եվրոպական քաղաքական համայնքի 8-րդ գագաթնաժողովը հնարավոր դարձավ Հայաստանի և Ադրբեջանի միջև կնքված խաղաղության համաձայնագրի շնորհիվ։
Այս մասին Երևանում ընթացող ԵՔՀ գագաթնաժողովում հայտարարել է Եվրոպական Խորհրդի նախագահ Անտոնիու Կոշտան։
«Առաջին անգամ Եվրոպական քաղաքական հանրությունը հանդիպում է այստեղ՝ Հարավային Կովկասում՝ տեղավորելով Հայաստանը Եվրոպայի սրտում, հենց այնտեղ, որտեղ Հայաստանը պետք է լինի։
Այս գագաթնաժողովը նաև պատմական է, քանի որ այն հնարավոր դարձավ Հայաստանի և Ադրբեջանի միջև կնքված համաձայնագրի շնորհիվ՝ համաձայնագիր, որը ներկայացնում է խաղաղության պատմությունը Եվրոպայում, Եվրոպայի համար և արժանի է նշվել աշխարհում, որտեղ, կարծես, գերիշխում են պատերազմները։
Այս համաձայնագրի և ԵՔՀ-ի շնորհիվ Հայաստանի և Թուրքիայի միջև հարաբերությունները բարելավվել են, և հենց դրա շնորհիվ է, որ տարածաշրջանը սկսել է վերափոխման ուղի։
Սա վստահություն է կառուցում, աշխատատեղեր են ստեղծվում և հնարավորություն են տալիս հարևաններին կապվել գործնական գործընկերության և համատեղ աճի մեջ։
Եվրամիությունը պատրաստ է լինել հուսալի գործընկեր և իրականացնել այս տեսլականը՝ ապահովելով, որ խաղաղության և բարգավաճման այս հնարավորությունը մնա անշրջելի», – իր ելույթում նշել էԿոշտան։