Ակցիայի ընթացքում սադրիչ գործողությամբ հրահրված միջադեպի հետքերով
Tue, 05 May 2026 17:54:24 +0400
Համացանցում տարածվում է մի տեսանյութ, որտեղ բողոքի ակցիայի մասնակիցներից մեկը, էմոցիոնալ մի կին մոտենում է Ուկրաինայի դրոշով երիտասարդին, կոպիտ փորձում հեռացնել, անգամ հրել վերջինիս։
Տարածված տեսանյութը, սակայն այդ դրոշով երիտասարդի հայտնվելու պահը չէ ակցիայի վայրում, երիտասարդը շատ ավելի վաղ է հայտնվել, նրան տարբեր մարդիկ շատ հանգիստ տոնով փորձել են բացատրել, որ ճիշտ կլինի իր հեռանալը, որ բազմաթիվ հայեր արդարացիորեն Ուկրաինան համարում են թշնամական երկիր, հետևաբար դրոշն էլ որպես թշնամական դրոշ է ընկալվում։
Ոստիկանները մի քանի անգամ, իբրև թե, հեռացրել են երիտասարդին դեպքի վայրից, սակայն ընդամենը մի քանի մետր այն կողմ ու երիտասարդը համառորեն վերադարձել է անընդհատ, արհամարհելով փաստը, որ Ուկրաինայի դրոշի ծածանումն այդ ակցիայի վայրում մեղմ ասած տեղին չէ ու բացասաբար է ընկալվում։
Երիտասարդի հետ բավականին հարգալից խոսել ու բացատրական աշխատանքներ են փորձել տանել ակցիայի տարբեր մասնակիցներ, այդ թվում Հայասատանի Հանրապետության առաջին օմբուդսմեն Լարիսա Ալավերդյանն ու ակցիայի վայրում գտնվող Դանիել Իոաննիսյանի մայրը (ըստ «Հրապարակ»֊ի ունեցած ինֆորմացիայի)։
Վերջինս անգամ երիտասարդին ասել է, որ գոնե Հայասատնի դրոշն էլ պետք է լիներ ձեռքին, այլապես ստացվում է որ Ուկրաինայի խնդիրներն ավելի կարևոր են քան Հայաստանինը և որ երիտասարդը եկել է ուղղակի իրեն ցույց տալու։
Փաստացի, ոստիկանների թողտվությամբ, ակցիայի մասնակիցների կողմից ոչ բարեկամական երկիր ընկալվող Ուկրաինայի դրոշով երիտասարդը ժամեր շարունակ գտնվել է ակցիայի վայրում, ինչն էլ ի վերջո հանգեցրել է միջադեպի։
Հիշեցնենք, որ մարդկանց տրամադրությունները կապված Ուկրաինայի հետ հիմնավորվում են վերջինիս Ադրբեջանին զենք վաճառելով, Ադրբեջանի 44֊օրյայում տարած «հաղթանակի» կապակցությամբ առաջիններից շնորհավորելով վերջինիս, Ուկրաինայում հակահայկական պաստառների փակցման թույլտվությամբ ու մի շարք այլ հանգամանքներով։