Ամերիկյան դատարանը մեղավոր է ճանաչել հայտնի երգչուհի Բրիթնի Սփիրսին՝ ոչ սթափ վիճակում տրանսպորտային միջոց վարելու մեջ։ Իր հերթին՝ երգչուհին գործարք է կնքել՝ ընդունելով մեղավորությունը։ Դա թույլ է տալիս նրան խուսափել ազատազրկումից։ Այս մասին հայտնում է The New York Times պարբերականը։ Ուշագրավ է այն, որ դատական նիստին երգչուհին չէր ներկայացել։ Նրան նշանակվել է 12 ամիս պայմանական պատիժ, նաեւ՝ երեք ամսվա պարտադիր բուժման կուրս, որի նպատակը հոգեմետ դեղամիջոցներից կախվածությունից ազատվելն է։ Նաեւ՝ տուգանք՝ 571 դոլարի չափով։

Հիշեցնենք, որ նրան Կալիֆորնիայի Վենտուրայի շրջանային ոստիկանները ոչ սթափ վիճակում տրանսպորտային միջոց վարելու համար բռնել էին մարտի 4-ին։