Ուժգին երկրաշարժ՝ Իրանում
Wed, 06 May 2026 14:00:25 +0400
5 մագնիտուդ ուժգնությամբ երկրաշարժ է տեղի ունեցել Իրանում՝ Քերմանշահ նահանգի Գիլանքարբի քաղաքի տարածքում։ Այս մասին հայտնում է IRNA-ն։ Թեհրանի համալսարանի Երկրաֆիզիկայի ինստիտուտի Սեյսմոլոգիական կենտրոնի հրապարակած տվյալների համաձայն՝ ստորգետնյա ցնցումներն արձանագրվել են երեւանի ժամանակով՝ 00:53-ին։ Օջախի խորությունը կազմում է 9 կմ։ Էպիկենտրոնը գտնվում է Գիլանքարբ քաղաքից 23 կմ հեռավորության վրա։ Ավերածությունների, զոհերի եւ տուժածների մասին տեղեկություններ չեն հրապարակվել։