Նավթը համաշխարհային շուկայում շարունակում է էժանանալ
Wed, 06 May 2026 18:00:40 +0400
Նավթը համաշխարհային շուկայում շարունակում է էժանանալ։ Դա են վկայում միջազգային բորսայական սակարկությունները։ Համաձայն դրանց, Brent տեսակի նավթի մեկ բարելը Լոնդոնի ICE Futures բորսայում էժանացել է 1,77 դոլարով եւ կազմում է 108,1 ամերիկյան դոլար։ Նյու-Յորքի ապրանքային NYMEX բորսայում WTI տեսակի նավթի մեկ բարելի գինը նվազել է 1,86 դոլարով եւ կազմում է 100,41 դոլար։ Բորսաների ուշադրության կենտրոնում Մերձավոր Արեւելյան ռեգիոնում տիրող իրավիճակն է եւ այդ համատեքստում՝ նախագահ Դոնալդ Թրամփի հայտարարությունը, թե Իրանի հետ հակամարտության կարգավորման բանակցություններում զգալի առաջընթաց է գրանցվել։