«Հրապարակ»․ ՔՊ-ում ահռելի ֆինանսական միջոցներ են ծախսում նախընտրական քարոզչության վրա
Thu, 14 May 2026 08:10:28 +0400
ՔՊ-ում ահռելի ֆինանսական միջոցներ են ծախսում նախընտրական քարոզչության վրա, սակայն անգամ մեծ փողերը չեն օգնում, որ մայրաքաղաքում ՔՊ-ի նկատմամբ քաղաքացիները գոնե լոյալություն դրսեւորեն։
Մի քանի օր առաջ գրել էինք, որ վուլգար արտաքինով կանանց մայրաքաղաքի թաղերից մեկում բնակիչները, բառի բուն իմաստով, վռնդել են` թույլ չտալով, որ ՔՊ-ի բուկլետները բաժանեն, քարոզչություն անեն։
Մեզ ասացին, որ բուկլետ բաժանողներից յուրաքանչյուրին 200-250 հազարական դրամ են տալիս` որպես վարձատրություն։ Փաստորեն, իշխող թիմը, որ հազարավոր կուսակիցներ եւ համակիրներ ունի, իրականում նրանք ոչ թե գաղափարակիցներ են, այլ մեծ մասը՝ վարձու աշխատողներ, որոնք այս շրջանում ուզում են մի քանի դրամ փող աշխատել։