Օրվա իրադարձությունը․ Թրամփն ու Սի Ծինփինը բանակցում են
Thu, 14 May 2026 11:00:01 +0400
Եթե Թայվանի հետ «սխալ վարվեն», Չինաստանի և Միացյալ Նահանգների միջև կծագեն բախումներ և նույնիսկ հակամարտություններ, որոնք կվտանգեն ցանկացած հարաբերություն։ Այս մասին հայտարարել է Չինաստանի նախագահ Սի Ծինփինը ԱՄՆ նախագահ Դոնալդ Թրամփի հետ հանդիպման ժամանակ։
Սին հավելել է, որ «Թայվանի անկախությունը և Թայվանի նեղուցում խաղաղությունը անհամատեղելի են կրակի և ջրի պես»։
Նշենք, որ Չինաստանի նախագահ Սի Ծինփինը արարողակարգային ընդունելություն է մատուցել ԱՄՆ նախագահ Դոնալդ Թրամփին Պեկին ժամանելուն պես։ Արևմտյան լրատվամիջոցների հաղորդագրությունների համաձայն՝ Սպիտակ տան ղեկավարին Չինաստանի մայրաքաղաքում դիմավորել են բոլոր զինվորական պատիվներով։
Պեկինի կենտրոն ժամանելուց հետո Թրամփը և Սի Ծինփինը դիտել են ռազմական շքերթը, ապա մտել Ժողովրդի մեծ դահլիճ՝ Չինաստանի խորհրդարանի նստավայրը։
Թրամփը և Սին ձեռքսեղմում են արեկ տեսախցիկների առջև։ ԱՄՆ նախագահն ասել է. «Ես պատիվ եմ համարում լինել ձեր ընկերը, և Չինաստանի և ԱՄՆ-ի միջև հարաբերությունները կլինեն ավելի լավ, քան երբևէ»։ Թրամփն ասել է, որ երկու երկրներն ունեն «ֆանտաստիկ համատեղ ապագա»։ «Մենք լավ ենք համակերպվում, ունեցել ենք մեր դժվարությունները, բայց հաղթահարել ենք դրանք։ Ոմանք կարող են չգիտեն դա, բայց երբ մենք խնդիրներ ենք ունեցել, շատ արագ լուծել ենք դրանք», – ասել է Թրամփը։ «Ես զանգահարել եմ ձեզ, և դուք զանգահարել եք ինձ։ Ես բոլորին ասում եմ, որ դուք մեծ առաջնորդ եք»։
Իր հերթին Սի Ծինփինն ասել է. «Ամբողջ աշխարհը հետևում է մեր հանդիպմանը։ Աշխարհում փոփոխությունները արագանում են, փոփոխություններ, որոնք չեն երևում մեկ դար, և միջազգային իրավիճակը անընդհատ փոփոխվում և անկայուն է»։
Չինաստանի նախագահը վստահություն է հայտնել, որ երկու երկրները պետք է լինեն «գործընկերներ, այլ ոչ թե մրցակիցներ», քանի որ դա ոչ միայն օգուտ է բերում երկու կողմերին, այլև «օգուտ է ներկայացնում ամբողջ աշխարհի համար»։
Բանակցությունները տևել են երկու ժամից մի փոքր պակաս։ Հանդիպումների սենյակում ներկա են եղել նաև մի քանի առաջատար ամերիկյան ընկերությունների ղեկավարներ, այդ թվում՝ Tesla-ի և Apple-ի։