Կապանի իրեք մանեթանոց լացը՝ «Ես էլ եմ լացում, գիտեք՝ մենակ դո՞ւք եք լացում»

Կապանի իրեք մանեթանոց լացը՝ «Ես էլ եմ լացում, գիտեք՝ մենակ դո՞ւք եք լացում»

Thu, 14 May 2026 15:45:41 +0400


Երբ Կապանում ընտրությունների կապակցությամբ Փաշինյանը լաց էր լինում, մի տեսակ տարօրինակ դեժավյու եկավ մտքիս։ Հիշեցի «Խաթաբալա»-ի իրեք մանեթանոց լացողներին։ Էն մարդկանց, որ լացը ոչ թե ապրում են, այլ խաղում են՝ ըստ պատվերի։
Սկզբում սկսում են «թեթև ռեժիմով»․ աչքերը մի քիչ թրջում են, ստուգում են՝ տեսախցիկ կա՞, արձագանք կա՞։ Հետո, երբ հասկանում են՝ պատվերը լուրջ է, անցնում են լիարժեք արտադրական հզորության․
ձեռքեր՝ օդում,
դեմք՝ դրամատիկ,
մազեր՝ արդեն վտանգի տակ,
ու հանկարծ ամբողջ բեմը դառնում է ողբի փոքրիկ գործարան։
Բայց ինչքան էլ ճչան, ճանկռոտեն, “հոգևոր փլուզում” խաղան, մեկ է՝ ֆիլմի տրամաբանության մեջ միշտ կա էն սառը դիտողը, որը ասում է՝
-«էս իրեք մանեթի լա՞ց է»։

Ու Ֆրունզիկի կերպարն էլ աչքիս առաջ է գալիս՝ արդեն ներվերից դուրս եկած․
-«գլուխ եք հա պահում… մի մարդավարի ղա՜-ղա՜-ղա՜ արեք էլի…»
Լացողը էլ ավելի է ջանում, դեմքին խփում, մազերը պոկում, նորից փորձում է “ճիշտ տոնայնությունը” գտնել՝ ղա՜… ղա՜… վու՜յ վու՜յ… բայց մեկ է՝ ինչ-որ բան միշտ չի “համընկնում պատվերի հետ”։
Հիմա ինչու մտովի հիշեցի սա․ որովհետև նույն զգացողությունն էր առաջանում, երբ Փաշինյանը նախընտրական բեմադրության ժամանակ ձայնի վերջին խազով գոռում էր՝
«Ես ձեզ սիրում եմ, ես ձեզ սիրում եմ»։

Կարծես քննություն էր հանձնում՝ էմոցիայի պետական քննություն․ ամեն անգամ մի քիչ ավելի բարձր նոտա, մի քիչ ավելի ուժեղ հուզական ճնշում։ Հետո, երբ տեսավ, որ միայն ձայնը քիչ է, անցավ հաջորդ փուլին՝ աչքերի օգնությանը։
Ու վերջում էլ արդեն հայտարարեց՝
«Ես էլ եմ լացում, գիտեք՝ մենակ դո՞ւք եք լացում»։
Կարծես սպասում էր, որ դահլիճը պիտի ավտոմատ կերպով միանա իրեն՝
լաց, ճիչ, մազապոկություն, համընդհանուր մելոդրամա։
Բայց իրականությունը միշտ մի քիչ ավելի սառն է ստացվում, ու էդտեղ նորից մտքում հնչում է նույն կինեմատոգրաֆիկ սառը գնահատականը՝
«էս իրեք մանեթի լա՞ց է…»

© 2026 Secure News Portal

Source: Hraparak

Hraparak.am

Share
Published by
Hraparak.am

Recent Posts

Պատանի մարմնամարզիկ Գրիշա Սարգսյանը 2 ոսկե մեդալ է նվաճել

Պատանի մարմնամարզիկ Գրիշա Սարգսյանը 2 ոսկե մեդալ է նվաճել Sat, 21 Nov 2026 23:44:40 +0400…

14 րոպե ago

ՆԳՆ-ից պահանջել եմ անձնագրիս մեջ ծննդավայրս չնշել Ադրբեջան, եթե մերժեն՝ կդիմեմ ՄԻԵԴ

ՆԳՆ-ից պահանջել եմ անձնագրիս մեջ ծննդավայրս չնշել Ադրբեջան, եթե մերժեն՝ կդիմեմ ՄԻԵԴ Sat, 21 Nov…

44 րոպե ago

Մակոլեյ Կալկինը նորից հանդես կգա «Տանը միայնակ» շարքի նոր կինոնկարում

Մակոլեյ Կալկինը նորից հանդես կգա «Տանը միայնակ» շարքի նոր կինոնկարում Sat, 21 Nov 2026 23:00:29…

58 րոպե ago

ՀԷՑ-ը ստոլբեն լավ գնով չէր առել․ Նարեկ Կարապետյանը հեգնում է Փաշինյանին

ՀԷՑ-ը ստոլբեն լավ գնով չէր առել․ Նարեկ Կարապետյանը հեգնում է Փաշինյանին Sat, 21 Nov 2026…

1 ժամ ago

Ինչ է սպասվում թվարժութային գլոբալ շուկային՝ նոյեմբերին

Ինչ է սպասվում թվարժութային գլոբալ շուկային՝ նոյեմբերին Sat, 21 Nov 2026 22:30:02 +0400 Ընթացի կտարվա…

1 ժամ ago

Հայկ Ղալումյանի մորաքրոջ տղային տարել են Երեւան` հարցաքննության

Հայկ Ղալումյանի մորաքրոջ տղային տարել են Երեւան` հարցաքննության Sat, 21 Nov 2026 22:15:30 +0400 Սևքար…

2 ժամ ago