Լեզվիդ տալու փոխարեն հրապարակիր ցուցակը
Fri, 15 May 2026 11:30:53 +0400
ԱԺ «Հայաստան» խմբակցության պատգամավոր Իշխան Սաղաթելյանը սոցիալական ցանցում հրապարակված տեսանյութով անդրադարձել է պատերազմների ընթացքում զոհվածների թեմային՝ իշխանություններից պահանջելով հրապարակել զոհված քաղաքացիների ամբողջական ցուցակը։
Նա նշել է, որ գործող իշխանության տարիներին տեղի ունեցած երեք պատերազմների ընթացքում զոհված հայրենակիցների անուն-ազգանունները մինչ օրս ամբողջությամբ չեն հրապարակվել։ Սաղաթելյանը հարց է բարձրացրել, թե ինչու են այդ տվյալները գաղտնի պահվում և ինչու այսքան տարվա ընթացքում հանրությանը չի ներկայացվել ամբողջական ցանկը։
«Լեզվիդ տալու փոխարեն, հրապարակիր քո իշխանության տարիներին 3 պատերազմների ընթացքում զոհված մեր հայրենակիցների անուն-ազգանունները, ամբողջական ցուցակը»,- նշել է նա: