«Ծիծեռնակի հավատի կենացը». ֆիլմի պրեմիերա
Fri, 15 May 2026 19:53:56 +0400
Մայիսի 15-ին, Կինոյի տանը տեղի ունեցավ Հովհաննես Իշխանյանի և Սուրեն Բելյանի «Ծիծեռնակի հավատի կենացը» ֆիլմի շնորհանդես-պրեմիերան: Ֆիլմն Արցախից բռնագաղթածների, այսպես կոչված «Արևմտյան Ադրբեջան» կեղծ հայեցակարգի և այլ զգայուն ազգային խնդիրների մասին է` ներկայացված մարդկային պատմություններով:
Ֆիլմը ստեղծվել է «Հայաքվե» նախաձեռնության աջակցությամբ, մինչ կինոդիտումը խոսքով հանդես եկավ նաև «Հայաքվե» նախաձեռնության ղեկավար Ավետիք Չալաբյանը։
Դահլիճը մարդաշատ էր, հավաքվել էին բազմաթիվ մտավորականներ, քաղաքական, հասարակական գործիչներ, լրագրողներ, հայրենիքի ցավով ապրող, մտահոգ քաղաքացիներ։
Մասնակիցները նշում էին, որ սա ևս մեկ առիթ է լավ, հայրենատեր մարդկանցով, պահանջատեր քաղաքացիներով հավաքվելու, շփվելու միմյանց հետ, ստեղծված իրավիճակից ելքեր փնտրելու։