«Կերակրատաշտի» շուրջ պտտվող պատկերացումների վրա քաղաքական ճանապարհը կառուցած մարդը չի կարող հասկանալ գաղափարի շուրջ համախմբված մարդկանց ուժը․ Դավիթ Անանյանը՝ Վահագն Ալեքսանյանին
Sun, 17 May 2026 21:15:45 +0400
«Միասնության թևեր» կուսակցության կառավարման խորհրդի անդամ Դավիթ Անանյանն այսօր պատասխանել է ՔՊ-ական պատգամավոր Վահագն Ալեքսանյանի այն գրառմանը, թե որտեղից Արման Թաթոյանին գումար գրասենյակների վարձակալության ու պաստառների համար։
«Ի պատասխան ոմանց… Երբ մարդը երկար տարիներ ապրել է բացառապես կենցաղային բնազդների, մանր շահերի ու պատեհապաշտ հաշվարկների տրամաբանությամբ, նրա համար իսկապես դժվար է պատկերացնել, որ գոյություն ունեն նաև այլ հարաբերություններ՝ վստահության, ընկերության, արժեհամակարգի և նվիրումի վրա հիմնված։
Այդ պատճառով էլ նման շրջանակների ներկայացուցիչներին անհասկանալի է, թե ինչպես կարող են ընկերները, հարազատներն ու համախոհները սեփական կամքով, սեփական միջոցներով և հավատով կանգնել այն մարդկանց կողքին, որոնք պայքարի մեջ են մտել ոչ թե աթոռի, այլ պետության ապագայի համար։
Ամեն մարդ աշխարհը չափում է իր պատկերացումներով ու իր կենսակերպի սահմաններում։ Եվ եթե որևէ մեկի քաղաքական ճանապարհը կառուցվել է միայն «կերակրատաշտի» շուրջ պտտվող պատկերացումների վրա, ապա բնական է, որ նա չի կարող հասկանա գաղափարի շուրջ համախմբված մարդկանց ուժը»,- գրել է Դավիթ Անանյանը։