Մենք չէինք ուզում, բայց ի՞նչ կարող էինք անել` ժողովուրդը որոշեց
Tue, 19 May 2026 16:15:46 +0400
Օրերս ՀՀ փոխվարչապետ Մհեր Գրիգորյանը ՏԱՍՍ֊ին տված հարցազրույցում նշել էր, որ «հայ ժողովուրդը ինքը կորոշի մնալ ԵԱՏՄ-ում թե գնալ ԵՄ»: Այլ կերպ ասած` կրկնել է Նիկոլ Փաշինյանի խոսքը, որն ասվել էր ՌԴ նախագահի հետ հանդիպման ժամանակ։ Այսպիսով ՀՀ ներկայիս իշխանությունները փորձում են հայ ժողովրդին ներքաշել Ռուսաստանի դեմ խաղերի մեջ` թելադրված Եվրոպական «պապաների» կողմից։
Այդ նպատակին հասնելու համար, իհարկե, ամենալավ և խորամանկ տարբերակը ժողովրդի անունից հանդես գալն է` իբրև «մենք չէինք ուզում, բայց ի՞նչ կարող էինք անել` ժողովուրդը որոշեց»: Իհարկե այս թեզը թեև կլինի «հեքիաթ, հեքիաթ պապս էր» շարքից։ Այն պարզ պատճառով, որ Հայաստանի իշխանությունները` սկսած 2020թ ԱԺ ամբիոնից պարբերաբար ռուսական կողմին մեղադրում են Արցախի կորստի մեջ, իսկ պրոիշխանական և պրոեվրոպական լրատվամիջոցներն ու կազմակերպությունները շուրջ 5,5 տարի է իրականացնում են հակառուսական քարոզչություն։ Կարճ ասած, պատմությունը հետ ու առաջ են տալիս հայ ժողովրդի ուղեղները «լվանալու» համար։ Իհարկե, Հայաստանը քանդելու այդ «սուրբ» գործի համար Եվրոպան և ԱՄՆ-Ն միջոցներ չեն խնայում …
Արամ Պողոսյան