Պատժամիջոցներ՝ Չինաստանում և ԱՄԷ-ում իրանական ցանցերի դեմ
Wed, 20 May 2026 15:30:28 +0400
ԱՄՆ-ն պատժամիջոցներ է սահմանել Իրանում, ԱՄԷ-ում և Չինաստանում Իրանի հետ կապված մոտ 50 կառույցների, այդ թվում՝ այսպես կոչված «ստվերային նավատորմի» հետ կապված ընկերությունների և նավերի նկատմամբ, ասվում է ԱՄՆ ֆինանսների նախարարության հայտարարության մեջ։
Bloomberg-ի տվյալներով՝ ԱՄՆ ֆինանսների նախարարության պատժամիջոցների ցանկում ներառված են Amin Exchange-ը և այս իրանական փոխանակման տան հետ կապված ընկերությունների ցանցը։
Գերատեսչության տվյալներով՝ այն նպաստել է հարյուր միլիոնավոր դոլարների արտասահմանյան գործարքների իրականացմանը՝ արդեն իսկ պատժամիջոցների տակ գտնվող իրանցի անհատների և կազմակերպությունների անունից։
Կապակցված կազմակերպություններից մի քանիսը գտնվում են Չինաստանում, Հոնկոնգում և Արաբական Միացյալ Էմիրություններում։ Բացի այդ, ԱՄՆ-ն սահմանափակումներ է կիրառել 19 նավերի նկատմամբ, որոնք այսպես կոչված «ստվերային նավատորմի» մաս են կազմում և զբաղվում են իրանական նավթի փոխադրմամբ։