Մեզ համար սխալ կլինի համեմատվել Հայաստանի հետ․ Կոբախիձե
Thu, 21 May 2026 13:30:35 +0400
Վրաստանը «առավելագույնս աջակցում է» բարեկամ Հայաստանին և հայ ժողովրդին, «Իմեդի Live» -ի եթերում հայտարարել է Վրաստանի վարչապետ Իրակլի Կոբախիձեն։
Կոբախիձեն պատասխանել է Բրյուսելում որոշակի ուժերի՝ Վրաստանի և Հայաստանի նկատմամբ վերաբերմունքի վերաբերյալ իր տպավորության մասին հարցին։
«Ինչ վերաբերում է Հայաստանի հետ համեմատությանը, սա մեզ համար որոշ չափով անհարմար թեմա է, քանի որ մենք հարևաններ ենք, ունենք շատ բարեկամական հարաբերություններ և ռազմավարական գործընկերություն։ Հետևաբար, մեզ համար սխալ կլինի համեմատվել Հայաստանի հետ։ Մենք, անշուշտ, դա չենք անի, դա սխալ կլինի։
Բայց ընդհանուր առմամբ, ես գնահատում եմ այն փորձերը, որոնք մենք տեսնում ենք ինչպես տեղական գործակալների, այնպես էլ նրանց արտասահմանյան հովանավորների կողմից՝ մեզ ինչ-որ կերպ գժտեցնելու Հայաստանի հետ, այդ թվում՝ համեմատությունների միջոցով։ Սա լիովին անհաջող կլինի որևէ առումով կամ ուղղությամբ։ Մենք լիովին աջակցում ենք մեր բարեկամ երկիր Հայաստանին և հայ ժողովրդին։ Սա միակ բանն է, որ կարող ենք ասել Հայաստանի մասին», – ընդգծել է Վրաստանի վարչապետը։