Դիպլոմից դեպի կարիերայի առաջին քայլ. «ԱՊԱԳԱ» հիմնադրամը պետության և մասնավոր հատվածի համագործակցությամբ ստեղծում է նոր հնարավորություններ ուսանողների համար

Դիպլոմից դեպի կարիերայի առաջին քայլ. «ԱՊԱԳԱ» հիմնադրամը պետության և մասնավոր հատվածի համագործակցությամբ ստեղծում է նոր հնարավորություններ ուսանողների համար

Fri, 22 May 2026 20:07:32 +0400


Մայիսի 19-ին տեղի ունեցավ «ԱՊԱԳԱ» հիմնադրամի «Կրթությունից աշխատանք՝ մեկ քայլ» ծրագրի ամփոփիչ միջոցառումը։ Ծրագրի հիմնական նպատակն է համախմբել պետական, մասնավոր և քաղաքացիական հատվածների ջանքերը՝ երիտասարդների զբաղվածության, մասնագիտական զարգացման և աշխատաշուկայում նրանց հնարավորությունների ընդլայնման համար։

«Ապագա» բարեգործական հիմնադրամի գործադիր տնօրեն Ռոզա Սոլոմոնյանի փոխանցմամբ՝ կառույցն արդեն շուրջ ութ տարի իրականացնում է կրթական ու սոցիալական ծրագրեր, որոնց առաքելությունը մարդկանց ոչ միայն աջակցելն է, այլև իրենց սեփական ճանապարհը գտնելու և կայուն ապագա կերտելու հնարավորություն տալը։
«Շուրջ երեք տարի իրականացվող «Կրթությունից աշխատանք մեկ քայլ» ծրագիրը յուրահատուկ «կամուրջ» է դարձել մեր երիտասարդների համար։ Մենք փորձում ենք ապահովել նրանց մասնագիտական գիտելիքներով, տրամադրում ենք փորձառության հնարավորություն, աջակցում ուսման վարձերի փոխհատուցմամբ և օգնում գտնել աշխատանք։ Ամենակարևոր արդյունքն այսօր այն է, որ մեր ուսանողը համալսարանն ավարտելիս արդեն ունենում է աշխատանքային փորձ և մրցունակ է լինում աշխատաշուկայում», – նշել է Սոլոմոնյանը։

Հիմնադրամի գործունեությունը և այս նախագծի ստեղծումն ուղղակիորեն կապված են հիմնադիրների՝ հաջողակ գործարարներ Էդուարդ Մարությանի և Արայիկ Կարապետյանի տեսլականի հետ։ Ղեկավարելով ընկերություններ քաղաքաշինության, ներդրումների, ՏՏ և վերականգնվող էներգետիկայի ոլորտներում՝ նրանք խորապես պատկերացնում են աշխատաշուկայի խնդիրներն ու որակյալ մասնագետների կարևորությունը։ Հիմնադիրների համոզմունքն է, որ հզոր պետությունը սկսվում է հենց կայացած մասնագետից։ Ուստի երիտասարդներին գործնական հմտություններով զինելն ու նրանց համար աշխատանքային հեռանկարներ բացելը դիտարկվում է ոչ թե պարզապես բարեգործություն, այլ ռազմավարական ներդրում ազգային կապիտալի և պետության տնտեսության զարգացման մեջ։

Ծրագիրն արդեն ունի գործնական արդյունքներ, որոնք ձևավորվել են պետական կառույցների և խոշոր բիզնեսի հետ համագործակցության շնորհիվ։ Օրինակ՝ ՀՀ բարձր տեխնոլոգիական արդյունաբերության նախարարության հետ համագործակցության առաջին տարում Հայաստանի տարբեր բուհերից ինը ուսանող հնարավորություն է ստացել անցնելու փորձաշրջան նախարարությունում։ Նախարարության ծրագրերի վարչության պետ Հայկ Ենգիբարյանի խոսքով՝ երիտասարդները պետական համակարգ են բերում նոր գաղափարներ, գիտելիքներ և մոտեցումներ, իսկ ծրագրի մասնակիցներից մեկն այսօր արդեն համալրել է նախարարության աշխատակիցների շարքերը։
Մասնավոր հատվածի հետ կապը նույնպես ամուր է։ «Ֆիլիպ Մորրիս Արմենիա» ընկերությունն արդեն երրորդ տարին է՝ ծրագրի շրջանակներում համագործակցում է հիմնադրամի հետ։ Ընկերության արտաքին կապերի կառավարիչ Վիկտորյա Պողոսյանը նշում է, որ հիմնադրամն իսկապես մեծ գործ է անում՝ ուղեկցելով ուսանողին համալսարանից մինչև աշխատավայր. «Համոզված եմ, որ այն մեր համագործակցության ամենակարևոր և ռազմավարական ուղղություններից մեկն է լինելու»։

Այսպիսով, «Կրթությունից աշխատանք՝ մեկ քայլ» ծրագիրը ոչ միայն աջակցում է երիտասարդների մասնագիտական կայացմանը, այլև ցույց է տալիս, որ պետություն–կրթություն–մասնավոր հատված համագործակցության արդյունավետ մոդելը կարող է իրական արդյունքներ ապահովել։ Այս նախաձեռնությունն օգնում է, որպեսզի համալսարանական դիպլոմը դառնա ոչ միայն կրթության ավարտի խորհրդանիշ, այլ նաև նոր հնարավորությունների և մասնագիտական ճանապարհի մեկնարկ։

© 2026 Secure News Portal

Source: Hraparak

Hraparak.am

Recent Posts

Առաջին անգամ Մերկուրի մոլորակը կուսումնասիրեն երկու արբանյակների օգնությամբ

Առաջին անգամ Մերկուրի մոլորակը կուսումնասիրեն երկու արբանյակների օգնությամբ Sun, 22 Nov 2026 23:45:13 +0400 BepiColombo…

41 րոպե ago

Քվեարկել են Մեծ Բրիտանիայի կազմից դուրս գալու օգտին

Քվեարկել են Մեծ Բրիտանիայի կազմից դուրս գալու օգտին Sun, 22 Nov 2026 23:36:13 +0400 Անգլիայի…

50 րոպե ago

Վաճառվել է «Տիտանիկի» աղետը վերապրած ուղեւորուհու մատանին

Վաճառվել է «Տիտանիկի» աղետը վերապրած ուղեւորուհու մատանին Sun, 22 Nov 2026 23:30:03 +0400 Henry Aldridge…

57 րոպե ago

Արքայազն Հարին և Մեգան Մարքլն առաջին անգամ երեխաների հետ միասին հանրությանն են ներկայացել

Արքայազն Հարին և Մեգան Մարքլն առաջին անգամ երեխաների հետ միասին հանրությանն են ներկայացել Sun, 22…

1 ժամ ago

Ամերիկա-Իրանական առճակատման հնարավոր ժամկետ են նշել

Ամերիկա-Իրանական առճակատման հնարավոր ժամկետ են նշել Sun, 22 Nov 2026 23:08:12 +0400 Պենտագոնի նախկին ղեկավար…

1 ժամ ago

Մահացել է ոկերչական հայտնի ընկերության նախկին ղեկավարը

Մահացել է ոկերչական հայտնի ընկերության նախկին ղեկավարը Sun, 22 Nov 2026 23:00:35 +0400 89 տարեկանում…

1 ժամ ago