Պայթեցրել են զինվորականներին տեղափոխող գնացքը․ ի՞նչ է հայտնի
Sun, 24 May 2026 17:30:05 +0400
Պակիստանի Բելուջիստան նահանգում գնացքի պայթյունի հետևանքով զոհվել է առնվազն 24 մարդ, հաղորդում է AFP-ն՝ հղում անելով բարձրաստիճան պաշտոնյայի։
Հրապարակման համաձայն՝ գնացքը տեղափոխում էր զինվորականների և նրանց ընտանիքներին։ Աղբյուրը հայտնել է, որ ավելի քան 50 մարդ վիրավորվել է։ Գնացքը Քվեթայից ուղևորվում էր Պակիստանի հյուսիս-արևմուտքում գտնվող Փեշավար։
Սինհուան իր հերթին հաղորդում է գնացքում տեղի ունեցած պայթյունի հետևանքով 24 զոհի և ավելի քան 82 վիրավորի մասին։
Պայթյունը տեղի է ունեցել Քվեթայի Չաման Պատտակ կայարանի մոտ։ Հրատարակությունը նշել է, որ պայթուցիկ նյութերով լի վագոնը բախվել է գնացքին անցման ժամանակ։ Պայթյունը կոտրել է մոտակա տների պատուհանները և ոչնչացրել մոտակա տրանսպորտային միջոցները։
Բացի այդ, պայթյունը գծերից դուրս է հանել երեք վագոն, այդ թվում՝ շոգեքարշը, և շրջել երկուսը։