Հուղարկավորության թափորի վրա կոկորդիլոս է հարձակվել
Sun, 24 May 2026 23:55:27 +0400
Հնդկաստանում հուղարկավորության արարողության ժամանակ կոկորդիլոս է հարձակվել արարողության մասնակիցների վրա։ Գիշատիչը մի տղամարդու կարողացել է բռնել ու քարշ տալ գետը։ Վերջինս եղել է հանգուցյալ կնոջ փեսան։
Այս մասին հայտնում է The Times of India պարբերականը։ Տղամարդը եղել է երեսուն տարեկան, Գրեյթեր-Նոյդի բնակիչ։ Եկած է եղել կնոջ ու դստեր հետ՝ զոքանչի՝ Ուրմիլա Դեւիի հուղարկավորությանը մասնակցելու համար։
Դեպքը տեղի է ունեցել Գհանգհարա գետի ափին, այն պահին, երբ պատրաստվելիս են եղել դիակիզման արարողությանը։ Ոստիկանությունը անհապաղ սկսել է տղամարդու որոնումները։ Հայտնի է, որ կոկորդիլոսը բռնած է եղել տղամարդու գլխից եւ հնարավոր չի եղել ազատել նրան կենդանու երախից։
Տղամարդու դիակը հայտնաբերվել է արդեն օրեր անց՝ դեպքի վայրից որոշակի հեռավորության վրա։ Այն հանվել է ջրից։