Ադրբեջանցիները ոչ միայն չեն հեռացել, այլ անկլավների հարցեր էլ կան
Mon, 25 May 2026 14:38:25 +0400
«Ուժեղ Հայաստան» կուսակցության անդամ Գոհար Մելոյանը հայտարարել է, որ Հայաստանի առաջ այսօր կանգնած է լրջագույն ազգային անվտանգության խնդիր։
Նրա խոսքով՝ թեև հանրային խոսքում հաճախ ընդգծվում է խաղաղության թեման, իրականում այդ գործընթացների ու ստորագրված փաստաթղթերի ֆոնին երկրի ինքնիշխան տարածքում շարունակվում են տարածքային ամբողջականության խախտումներ։
Մելոյանը նշել է, որ Հայաստանի մի քանի մարզերում առկա է ադրբեջանական զինված ուժերի ներկայություն։ Նա ընդգծել է, որ, չնայած այն փաստաթղթերին, որոնք ենթադրում էին Հայաստանի ինքնիշխանության և տարածքային ամբողջականության երաշխավորում ու այլ պետության զինված ուժերի բացառում, իրավիճակը չի փոխվել։ Նրա խոսքով՝ ադրբեջանական ստորաբաժանումները ոչ միայն չեն հեռացվել նշված տարածքներից, այլև դեռևս չլուծված է մնում անկլավների հարցը։