Դա մեզ ոգևորում է․ Կրեմլում գնահատել են հայաստանյան ընդդիմադիր ուժերի մոտեցումը
Mon, 25 May 2026 14:45:51 +0400
Ռուսաստանը և Հայաստանը, որպես Եվրասիական տնտեսական միության անդամներ, մնում են բարեկամներ և պահպանում են երկխոսությունը։
Այս մասին ճեպազրույցի ժամանակ հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Մենք գիտենք, որ Հայաստանում կան քաղաքական ուժեր, որոնք հանդիսանում են ռուսական զարգացման ուղեգծի լիարժեք կողմնակիցներ, կենտրոնացած են Ռուսաստանի Դաշնության մասնակցությամբ ինտեգրացիոն գործընթացների հետագա խորացման վրա», – նշել է նաև Կրեմլի խոսնակը։
«Մեզ անշուշտ, ոգևորում է այս մոտեցումը, և մենք չենք թաքցնում դա», – հայտարարել է Պեսկովը։