Հենց հա՛յ ժողովուրդն է խոսելու․ Մոսկվայում մեկնաբանել են Փաշինյանի խոսքերը

Հենց հա՛յ ժողովուրդն է խոսելու․ Մոսկվայում մեկնաբանել են Փաշինյանի խոսքերը

Mon, 25 May 2026 15:53:36 +0400


Մոսկվա կատարած այցի ժամանակ ՀՀ վարչապետ Նիկոլ Փաշինյանը «ասել է, որ Հայաստանը մնում է ԵԱՏՄ-ի լիիրավ անդամ, բայց միաժամանակ զարգացնում է հարաբերություններ իր արտաքին քաղաքականության այլ ոլորտներում, մասնավորապես՝ Եվրոպայի հետ»։

Այս մասին ասել է ՌԴ նախագահի մամուլի քարտուղար Դմիտրի Պեսկովը, որի խոսքերը մեջբերում են ռուսական ԶԼՄ-ները։

«Ինչպես այն ժամանակ պարզաբանեց Փաշինյանը, որոշ պահի անհրաժեշտ կլինի վերջնական որոշում կայացնել, և դա կարվի հանրաքվեի միջոցով։ Այսինքն՝ հենց հայ ժողովուրդն է խոսելու», – հայտարարել է Ռուսաստանի առաջնորդի մամուլի քարտուղարը։

Պեսկովը նաև ասել է, որ Հայաստանը, այսպես թե այնպես, ներկայացված կլինի Եվրասիական տնտեսական միության գագաթնաժողովում, որը տեղի կունենա այս շաբաթ Ղազախստանում։ Նրա խոսքով՝ Մոսկվան կապի մեջ է իր հայ գործընկերների հետ. «Եթե չեմ սխալվում, վարչապետ Նիկոլ Փաշինյանը չի մասնակցի (գագաթնաժողովին) նախընտրական քարոզարշավի նկատառումներից ելնելով։ Միևնույն ժամանակ, մենք ակնկալում ենք, որ հայկական կողմը, այսպես թե այնպես, կմասնակցի այս շատ կարևոր հանդիպմանը՝ շարունակելով իր անդամակցությունը ԵԱՏՄ-ին»։

Կրեմլի խոսնակը նաև նշել է, որ Մոսկվան հաշվի է առնում պաշտոնական Երևանի հայտարարությունները, թե Հայաստանում չեն հանդուրժի հակառուսական հայտարարությունները, բայց, ըստ նրա, տնտեսական ինտեգրման ուղու ընտրությունը բաց է համարում։

«Վերջերս մենք լսեցինք թե՛ Նիկոլ Փաշինյանի, թե՛ արտաքին գործերի նախարարի [Արարարատ Միրզոյանի] հայտարարություններ այն մասին, որ Հայաստանը չի զբաղվելու հակառուսական հռետորաբանությամբ, – ասել է Պեսկովը՝ լրագրողների խնդրանքով մեկնաբանելով ԱՄՆ պետքարտուղար Մարկո Ռուբիոյի՝ Հայաստան կատարելիք այցը, – Միևնույն ժամանակ, տնտեսական ինտեգրման հետագա ուղու ընտրության հարցը մնում է բաց»։

© 2026 Secure News Portal

Source: Hraparak

Hraparak.am

Recent Posts

Ինչպես են «այլմոլորակայինները» հետապնդել գինի տեղափոխող օդանավը

Ինչպես են «այլմոլորակայինները» հետապնդել գինի տեղափոխող օդանավը Wed, 18 Nov 2026 23:00:28 +0400 «Այլմոլորակայինների» հետ…

10 րոպե ago

Փաշինյանն ուզուրպացրել է դատական իշխանությունը․ Սա է փաշինյանական «ժողովրդավարությունը»

Փաշինյանն ուզուրպացրել է դատական իշխանությունը․ Սա է փաշինյանական «ժողովրդավարությունը» Wed, 18 Nov 2026 22:58:04 +0400…

13 րոպե ago

Ամենայն Հայոց կաթողիկոսը պատանիներին հորդորել է Սուրբ Գրքի պատգամները կենսագործել առօրյա կյանքում

Ամենայն Հայոց կաթողիկոսը պատանիներին հորդորել է Սուրբ Գրքի պատգամները կենսագործել առօրյա կյանքում Wed, 18 Nov…

18 րոպե ago

Նիկոլը լրիվ կորցրել է գլուխը

Նիկոլը լրիվ կորցրել է գլուխը Wed, 18 Nov 2026 22:45:09 +0400 ԱԺ-ում նրա ելույթները հասնում…

26 րոպե ago

Ժամանակն է, որ Nike-ը բաժանվի Քիմ Քարդաշյանից. Bloomberg

Ժամանակն է, որ Nike-ը բաժանվի Քիմ Քարդաշյանից. Bloomberg Wed, 18 Nov 2026 22:38:42 +0400 Nike-ին…

32 րոպե ago

Իրական դեպքեր, բարդություններ եւ նոր բացահայտումներ․ «Մոնթե» ֆիլմը շուտով մեծ էկրաններին

Իրական դեպքեր, բարդություններ եւ նոր բացահայտումներ․ «Մոնթե» ֆիլմը շուտով մեծ էկրաններին Wed, 18 Nov 2026…

37 րոպե ago