Պետական ապարատը վաղը կաշխատի հեռավար
Tue, 26 May 2026 23:52:49 +0400
Մայիսի 28-ին կայանալիք Նիկոլ Փաշինյանի նախընտրական ռազմական շքերթի պատճառով, ինչպես հայտնի է, արդեն մի քանի օր է դիվադար են արել երեւանցիներին, մայրաքաղաքային երթեւեկությունը կաթվածահար է փակ փողոցների պատճառով, քանի որ որոշել են յոթ օր յոթ գիշեր շքերթի փորձեր անել, փողոցները լցնել ռազմական տեխնիկայով:
Այս իրավիճակը, մեղմ ասած, կաթվածահար է արել քաղաքացիների առօրյան, նրանք ստիպված են տասնյակ կիլոմետրեր քայլել աշխատանքի, դպրոց, մանկապարտեզ հասնելու համար, այսօր կաթվածահար է եղել նաեւ պետական գերատեսչությունների աշխատանքը:
Մենք տեղեկացանք, որ այսօր ուշ երեկոյան պետական հիմնարկների աշխատակիցներին փոխանցել են, որ վաղը կաշխատեն հեռավար` տնից, աշխատանքի դուրս չգան: