Այս հակահայ գործողությունները չեն կոտրելու մեր կամքը

Այս հակահայ գործողությունները չեն կոտրելու մեր կամքը

Wed, 27 May 2026 11:52:51 +0400


ԱՐՑԱԽԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ՆԱԽԱԳԱՀԻ ՀԱՅՏԱՐԱՐՈՒԹՅՈՒՆԸ

Սիրելի’ հայրենակիցներ
Օգտվելով այն հանգամանքից, որ այս օրերին ուշադրությունն ամբողջությամբ սևեռված է հունիսի 7-ի խորհրդարանական ընտրությունների վրա, չբավարարվելով
• Լեռնային Ղարաբաղի հակամարտության խաղաղ կարգավորման գործընթացի խափանմամբ,
• Միջազգային իրավունքի հիմնարար նորմերի ոտնահարմամբ ու կեղծ «հիմնավորումներով» Արցախը Ադրբեջանին հանձնելու աննախադեպ ապազգային գործունեությամբ,
• Արցախի ժողովրդի նկատմամբ ատելության ու խտրականության շարունակական քարոզչությամբ և Արցախի կորստի հետ չհաշտվող արցախցիների հալածանքներով,

Հայաստանի Հանրապետության իշխանությունները կատարել են հերթական ամոթալի, հակաիրավական ու անբարոյական քայլը Արցախի Հանրապետության ու ժողովրդի նկատմամբ։ ՀՀ վարչական դատարանի նախագահի որոշմամբ անվավեր է ճանաչվել Արցախի Հանրապետությանը պատկանող շենքի նկատմամբ Արցախի Հանրապետության սեփականության իրավունքի պետական գրանցումը։

Արցախի Հանրապետության ներկայացուցչության շենքը արցախցիների համար ոչ թե անշարժ գույք է կամ պարզապես տարածք, այլ մի վայր, որը խորհրդանշում է ագրեսիայի ու բռնազավթման ենթարկված Արցախի պետականությունն ու նվազագույն հնարավորություն է տալիս էթնիկ զտումների ու ցեղասպանության ենթարկված արցախցիներին՝ միջազգային իրավունքի հիմնարար նորմերով սահմանված ու 2023 թվականի նոյեմբերին Արդարադատության միջազգային դատարանի որոշմամբ վերահաստատված իրենց իրավունքների պաշտպանության նպատակով ջանքերի համատեղման ու համակարգման համար։ Այն չի կարող դառնալ տարատեսակ կեղտոտ պայմանավորվածությունների ու քաղաքական առևտրի առարկա։

Այս հակահայ գործողությունները չեն կոտրելու մեր կամքը՝ պատերազմական ու մարդկության դեմ կատարված հանցագործություններով ոտնահարված Արցախի ժողովրդի իրավունքները վերականգնելու՝ Արցախ վերադարձն ապահովելու և պետականության վերականգնման ուղղությամբ,

Ակնկալում ենք, որ Արցախի ճակատագրով մտահոգ Հայաստանում և Սփյուռքում գտնվող հաստատություններն ու հայրենակիցները կարձագանքեն Հայաստանի Հանրապետության իշխանությունների այս հերթական ամոթալի քայլին՝ բողոքի ձայն բարձրացնելով ի պաշտպանություն մեր անօտարելի իրավունքների վերականգնման:

© 2026 Secure News Portal

Source: Hraparak

Hraparak.am

Recent Posts

«Հրապարակ». Ո՞նց կարող էր Ժիրայր Լիպարիտյանը դառնալ նիկոլիզմի գաղափարների տարածողը

«Հրապարակ». Ո՞նց կարող էր Ժիրայր Լիպարիտյանը դառնալ նիկոլիզմի գաղափարների տարածողը Wed, 18 Nov 2026 10:45:51…

11 րոպե ago

«Հրապարակ». Դիլիջանի համայնքապետարանից էլի պաշտոնյա է ազատվել

«Հրապարակ». Դիլիջանի համայնքապետարանից էլի պաշտոնյա է ազատվել Wed, 18 Nov 2026 10:25:15 +0400 Դիլիջան համայնքի…

32 րոպե ago

Վերջին պահանջն ու պատմության ավարտը

Վերջին պահանջն ու պատմության ավարտը Wed, 18 Nov 2026 10:22:51 +0400 Երևի միայն այսօրվա Հայաստանում…

34 րոպե ago

«Հրապարակ». «Նուբարաշեն» ՔԿՀ-ն շտապօգնության մեքենա ունի

«Հրապարակ». «Նուբարաշեն» ՔԿՀ-ն շտապօգնության մեքենա ունի Wed, 18 Nov 2026 10:15:06 +0400 «Ուժեղ Հայաստանի» Ստեփանավանի…

42 րոպե ago

Ինչ է առաջարկում Արմեն Գրիգորյանը, ըստ Սերգեյ Մարկեդոնովի

Ինչ է առաջարկում Արմեն Գրիգորյանը, ըստ Սերգեյ Մարկեդոնովի Wed, 18 Nov 2026 10:00:41 +0400 Հայաստանի…

56 րոպե ago

«Հրապարակ»․ Նիկոլը շատ բարդ վիճակում է հայտնվել՝ ՌԴ-ի հետ կապված, ես կասեի՝ զրոյական իրավիճակում

«Հրապարակ»․ Նիկոլը շատ բարդ վիճակում է հայտնվել՝ ՌԴ-ի հետ կապված, ես կասեի՝ զրոյական իրավիճակում Wed,…

1 ժամ ago