Ընտրություններում աջակցում եմ իմ ընկեր Փաշինյանին․ Թրամփ
Thu, 28 May 2026 09:52:06 +0400
ԱՄՆ նախագահ Դոնալդ Թրամփը խոստացել է իր լիակատար և անվերապահ աջակցությունը Հայաստանի վարչապետ Նիկոլ Փաշինյանին առաջիկա խորհրդարանական ընտրություններում։
Սպիտակ տան ղեկավարը այս մասին գրել է իր Truth Social էջում։
«ՀՀ վարչապետ Նիկոլ Փաշինյանը՝ իմ մեծ ընկերը և առաջնորդը, իր երկիրը դարձնում է ուժեղ, բարգավաճ և շատ անվտանգ: Նիկոլը լիովին կիսում է իմ տեսլականը՝ Հայաստանում և ամբողջ Հարավային Կովկասում խաղաղության և բարգավաճման վերաբերյալ», – նշել է ամերիկացի առաջնորդը։
Թրամփը հիշեցրել է, որ ԱՄՆ պետքարտուղար Մարկո Ռուբիոն նախորդ օրը այցելել է Հայաստան և առաջ է մղել մի քանի «կարևոր գործարքներ երկու երկրների համար»: Սպիտակ տան ղեկավարը նաև նշել է, որ ԱՄՆ-ն և Հայաստանը շուտով կսկսեն հետևել «Թրամփի ուղուն», որը «կվերափոխի տարածաշրջանը և կօգնի ամերիկյան էներգետիկ ընկերություններին հասանելիություն ստանալ տարածաշրջանային ռեսուրսներին»։
«Այս պատճառներով ես լիովին և անվերապահորեն աջակցում եմ Նիկոլի վերընտրությանը 2026 թվականի հունիսի 7-ին: Նրա օգնությամբ մենք Միացյալ Նահանգները, Հայաստանը, Հարավային Կովկասը և Կենտրոնական Ասիան կհասցնենք աննախադեպ բարձունքների։ Մենք (Հայաստանը) կրկին մեծ կդարձնենք», – գրել է Թրամփը։