Արցախի բարձրաստիճան այն զինվորականները, որոնք ժամանակին Հայաստանում ՀՀ ՊՆ-ից անհատույց բնակարաններ են ստացել, բնակարաններն ազատելու վերաբերյալ ծանուցումներ են ստանում։ Այս մասին օրեր առաջ հայտնել էր փաստաբան Ռոման Երիցյանը։
ArmLur.am-ին այս պահին հայտնի է դարձել, որ ծանուցումները չեն ուղարկվում բոլոր սպաներին, այլ՝ ընտրովի կերպով։ Մասնավորապես, ՀՀ ՊՆ-ն ծանուցագրեր է ուղարկում Արցախի ՊՆ այն սպաներին, որոնք այս կամ այն ձևով քննադատել կամ ընդդիմադիր դիրքորոշում են հայտնել Նիկոլ Փաշինյանի նկատմամբ։
Մեր տեղեկություններով՝ այս պահին ծանուցումներ են ստացել ԱՀ պաշտպանության նախկին նախարար Միքայել Արզումանյանը, ԱՀ բնապահպանության նախկին նախարար, ԱՀ նախագահի խորհրդական Ֆելիքս Գաբրիելյանը և Մարտակերտի ՊՇ հրետանու պետ Վլադիկ Խաչատրյանը։
Նշենք, որ Միքայել Արզումանյանին բնակարանը ազատելու ծանուցագիր էր ուղարկվել դեռ ամիսներ առաջ, սակայն նրա ընտանիքը դատական հայց է ներկայացրել։
Ֆելիքս Գաբրիելյանը ծանուցումը ստացել է վերջերս։ Նա նաև Միքայել Արզումանյանի քրոջ ամուսինն է։
Մարտակերտի ՊՇ հրետանու պետ Վլադիկ Խաչատրյանը, ըստ տեղեկությունների, այն արցախցի Արմինե Մոսիյանի հորաքրոջ ամուսինն է, որը ամիսներ առաջ միջադեպ էր ունեցել Նիկոլ Փաշինյանի հետ։ Նշենք նաև այն, որ Վլադիկ Խաչատրյանն Արցախյան առաջին պատերազմի ժամանակ վիրավորվել է՝ ձեռքբերելով երկրորդ կարգի հաշմանդամություն։
ArmLur.am-ը թեմայի վերաբերյալ զրուցել է նաև ԱՀ ՊՆ գնդապետ Կարեն Շաքարյանի հետ՝ հետաքրքրվելով՝ արդյոք նա ևս ստացել է բնակարանն ազատելու վերաբերյալ ծանուցագիր։ Շաքարյանը հայտնել է, որ ինքը որևէ ծանուցում չի ստացել, քանի որ ՀՀ ՊՆ-ից բնակարան երբևէ չի ստացել։
Հիշեցնենք, որ Կարեն Շաքարյանը Նիկոլ Փաշինյանի հետ միասին մասնակցում էր Վեհափառ Հայրապետի դեմ տարվող պայքարին։
Source: USAArmenia
Սամվել Կարապետյանին աջակցություն հայտնելու համար կարող եք գալ հետևյալ հասցեով Wed, 04 Nov 2026 15:26:19…
Կոպիտ, հակաիրավական եղանակով խուզարկություն են իրականացնում մեր գրասենյակի ողջ տարածքում Wed, 04 Nov 2026 15:23:29…
Սամվել Կարապետյանը ձերբակալվել է․ ՔԿ-ն մանրամասներ է հայտնում Wed, 04 Nov 2026 15:11:39 +0400 ՀՀ…
Դուք բացի ջարդելուց ուրիշ բանի ընդունակ չեք Wed, 04 Nov 2026 15:09:00 +0400 Latest news…
Ուր են տարել Սամվել Կարապետյանին Wed, 04 Nov 2026 15:05:27 +0400 Այսօր վաղ առավոտից իրավապահները…
Ինչ պլանավորել ես չի ստացվելու, վախդ բռնել ա թշնամին. Նարեկ Կարապետյան Wed, 04 Nov 2026…