Ռուսաստանը շարունակում է կորցնել նախաձեռնությունը մարտադաշտում, և այս ֆոնին հակամարտության դիվանագիտական ​​կարգավորման հնարավորություն է ի հայտ գալիս, հայտարարել է Ուկրաինայի նախագահ Վլադիմիր Զելենսկին Face the Nation-ին տված հարցազրույցում։

Ըստ Ուկրաինայի առաջնորդի՝ Ռուսաստանը 2025 թվականի դեկտեմբերից ի վեր աստիճանաբար վատթարացրել է իր դիրքերը ռազմաճակատում։ «Այս պահին թշնամին չի կարող մեկ ամսում ավելի շատ տարածք գրավել, քան ուկրաինական զորքերն են ազատագրում», – նշել է նա։

«Հետևաբար, ես կարծում եմ, որ մենք պետք է գտնենք դիվանագիտական ​​լուծում՝ նստենք և խոսենք՝ մինչև հաջորդ ձմռան սկիզբը։ Սակայն դա կախված է Պուտինի վրա իր հասարակության ներքին ճնշումից, ինչպես նաև ԱՄՆ-ի և Եվրոպայի կողմից Ռուսաստանի վրա պատժամիջոցների ճնշումից», – հավելել է Զելենսկին։

Ավելին, Ուկրաինայի նախագահը քննարկել է բանակցություններում հնարավոր եվրոպական ներկայացուցիչների հարցը։ Նա հիշեցրել է, որ E3 ձևաչափը՝ Մեծ Բրիտանիան, Ֆրանսիան և Գերմանիան, արդեն գոյություն ունի։

«Մենք նաև հուսալի գործընկերներ ունենք սկանդինավյան երկրներից։ Թուրքիան միշտ ցանկացել է միջնորդ լինել, և մենք որոշակի հաջողությունների ենք հասել մեր ռազմագերիների վերադարձման գործում նրանց օգնությամբ», – ընդգծել է Զելենսկին։

Նրա խոսքով՝ հենց Ուկրաինան և եվրոպական պետություններն են, որ պետք է որոշեն, թե ով է ներկայացնելու Եվրոպան բանակցություններում։