Ավարտվել է ԱԺ ընտրությունների քվեաթերթիկների տպագրությունը. տպագրվել է ավելի քան 47 մլն քվեաթերթիկ

Ավարտվել է ԱԺ ընտրությունների քվեաթերթիկների տպագրությունը. տպագրվել է ավելի քան 47 մլն քվեաթերթիկ

Wed, 03 Jun 2026 19:15:21 +0400


ՀՀ Կենտրոնական ընտրական հանձնաժողովը հայտնում է, որ «Տիգրան Մեծ» տպարանում ավարտվել է Ազգային ժողովի ընտրություններին մասնակցող քաղաքական ուժերի քվեաթերթիկների տպագրությունը:

ԿԸՀ մամուլի քարտուղար Սեդա Ղուկասյանի փոխանցմամբ՝ ընդհանուր տպագրվել է 47 միլիոն 310 հազար 768 քվեաթերթիկ՝ բոլոր մասնակից կուսակցությունների և դաշինքների համար։ Յուրաքանչյուր քաղաքական ուժի համար տպագրվել է 2 մլն 628 հազար 376 քվեաթերթիկ։ Այս քանակը հաշվարկվել է՝ հիմք ընդունելով ընտրողների ընդհանուր թիվը (ոստիկանության տվյալներով՝ 2 մլն 505 հազար 102), որին ավելացվել է մինչև 5 տոկոս պահուստային քանակ։

ԿԸՀ-ն ընտրողներին հիշեցնում է քվեարկության կարևոր կանոնները.
Ընտրություններին մասնակցում է 18 քաղաքական ուժ (16 կուսակցություն և 2 դաշինք)։

Ընտրատեղամասում քաղաքացին պարտադիր կերպով ստանալու է 18 քվեաթերթիկ (մեկական՝ յուրաքանչյուր ուժի համար)։

Քվեարկության խցիկում ընտրողը պետք է ընտրի միայն մեկ քվեաթերթիկ, այն առանց ծալելու կամ նշում անելու դնի քվեարկության ծրարի մեջ, իսկ մնացած 17 քվեաթերթիկները գցի խցիկում տեղադրված հատուկ արկղի մեջ։

Խցիկից դուրս գալուց հետո ծրարը պետք է մոտեցնել հանձնաժողովի համապատասխան անդամին, ով ծրարի վրա կփակցնի ինքնասոսնձվող դրոշմանիշը, որից հետո միայն ընտրողն այն կգցի քվեատուփի մեջ։

ԿԸՀ-ն ընդգծում է, որ քվեարկության գաղտնիությունը ոչ միայն իրավունք է, այլև պարտականություն։ Ընտրողն իրավունք չունի խցիկից դուրս գալուց հետո բացահայտել, թե որ ուժի օգտին է քվեարկել։

© 2026 Secure News Portal

Source: Hraparak

Hraparak.am

Recent Posts

Կատակել են Նոբելյան մրցանակի թեմայով

Կատակել են Նոբելյան մրցանակի թեմայով Sat, 21 Nov 2026 00:30:45 +0400 ՌԴ նախագահ Վլադիմիր Պուտինը…

4 ժամ ago

Նոր գերհզոր հրթիռ են արտադրել

Նոր գերհզոր հրթիռ են արտադրել Sat, 21 Nov 2026 00:00:30 +0400 Իրանը ներկայացրել է նոր…

4 ժամ ago

ԵՊՀ դասախոսը կրկին հաղթեց

ԵՊՀ դասախոսը կրկին հաղթեց Fri, 20 Nov 2026 23:48:05 +0400 Վերաքննիչ դատարանի (նախագահող դատավոր Ի.…

4 ժամ ago

Ռիհաննան իր մեկ տարեկան դստերը բերել է պոդիում

Ռիհաննան իր մեկ տարեկան դստերը բերել է պոդիում Fri, 20 Nov 2026 23:45:48 +0400 Ռիհաննան…

4 ժամ ago

Բրիտանիան ու Նորվեգիան Ուկրաինային կտրամադրեն 2 արագընթաց ռազմական նավ

Բրիտանիան ու Նորվեգիան Ուկրաինային կտրամադրեն 2 արագընթաց ռազմական նավ Fri, 20 Nov 2026 23:30:14 +0400…

5 ժամ ago

«Արցախցիների անձնագրերում որպես ծննդավայր «Ադրբեջան» նշելը ՀՀ իշխանությունների քաղաքական որոշման արդյունք է». Նարե Սիմոնյան

«Արցախցիների անձնագրերում որպես ծննդավայր «Ադրբեջան» նշելը ՀՀ իշխանությունների քաղաքական որոշման արդյունք է». Նարե Սիմոնյան Fri,…

5 ժամ ago