Կառավարությունն առանց զեկուցման ընդունել է որոշում, որով սահմանվում են 2026 թվականի ամառային զորակոչի և զորացրման ժամկետները։

Ըստ ընդունված որոշման՝ Հայաստանի զինված ուժերի համալրումը պարտադիր զինվորական ծառայության շրջանակում կիրականացվի 2026 թվականի հունիսի 29-ից մինչև օգոստոսի 15-ը։

Միաժամանակ նախատեսվում է, որ պարտադիր զինվորական ծառայությունն ավարտած զինծառայողների զորացրումը կանցկացվի 2026 թվականի հունիսի 24-ից մինչև օգոստոսի 15-ը ներառյալ։

Որոշման հիմնավորման մեջ նշվում է, որ ժամկետների սահմանման ընթացքում հաշվի է առնվել 2024 թվականի ամառային զորակոչի փորձը, երբ զինված ուժերի համալրումն իրականացվել էր հունիսի 24-ից մինչև օգոստոսի 15-ը ներառյալ։