Լոռիից մարդկանց քշում են Երեւան՝ ոնց որ Դեր Զոր կքշեին
Fri, 05 Jun 2026 12:05:48 +0400
Քիչ առաջ մեզ հետ կապվեցին Լոռիից։ Մարդը վրդովված պատմում էր, որ վարչական ռեսուրս են կիրառում՝ տառացիորեն տնետուն ընկած մարդկանց պարտադրում են, որ այսօր գան Երեւան՝ Նիկոլ Փաշինյանի հանրահավաքին մասնակցելու։ Ընդ որում, ոչ միայն պետական ու համայնքային հիմնարկների աշխատողներին են պարտադրում, այլ նաեւ նրանց ընտանիքների անդամներին։ Մեզ զանգահարած մարդն ասում էր․
«Ես հասկացա, թե ոնց են 1915 թվին թուրք ենիչերները հայերին քշել դեպի Դեր Զոր․․․ո՞վ կպատկերացներ, որ հայի իշխանությունը հայ մարդուն սենց պարտադրանքով կտանի ինչ որ հանրահավաքի։ Ես Նիկոլ չեմ ընտրելու, հազար հանրահավաք էլ անի, հազար համայնքապետ էլ խնդրի, ինչի՞ են ստիպում՝ ընտանիքս առնեմ հասնեմ Երեւան։ Որ կեղծիքներ անելու հող նախապատրաստե՞ն, թե՝ տեսեք, եթե էսքան մարդ մասնակցում է ՔՊ-ի հանրահավաքին, ուրեմն էդքան էլ ընտրող ունի»։