Արաղչին պատմել է, որ հրաշքով ողջ է մնացել ամերիկա-իսրայելական հարվածներից
Fri, 05 Jun 2026 20:30:12 +0400
Իրանի արտաքին գործերի նախարար Աբբաս Արաղչին պատմել է, որ եղել է Գերագույն առաջնորդ Ալի Խամենեիի գրասենյակում, այն օրը, երբ իսրայելա-ամերիկյան հարվածներից զոհվել է Խամենեին։
Նա այս մասին խոսել է «Ալ Մայադին» հեռուստաընկերությանը տված հարցազրույցում, նրա խոսքերը փոխանցում է ԻԻՀ ԱԳՆ-ն։
Արաղչիի խոսքով՝ հարձակումը տեղի է ունեցել Ժնևից վերադառնալուց մեկ օր անց, որտեղ բանակցություններ էին ընթանում։ Նա առավոտյան ժամանել է Խամենեիի գրասենյակ՝ հանդիպման արդյունքները և ռազմական գործողությունների սրումը քննարկելու համար։
«Շենքը, որտեղ մենք գտնվում էինք, հարձակման է ենթարկվե։ Շենքի մի մասը ավերվել է, բայց այն հատվածը, որտեղ մենք գտնվում էինք, մնացել է անվնաս», – ասել է Իրանի արտաքին գործերի նախարարը։
Արաղչին նշել է, որ պայթյունի ժամանակ ինքն ավելի շատ մտահոգված էր Գերագույն առաջնորդի անվտանգությամբ, քան իր։ Իրանի արտաքին գործերի նախարարի խոսքով՝ Խամենեին հրաժարվել է ապաստարան գնալուց։