Կարևոր շեշտադրումներ
Wed, 10 Jun 2026 19:47:38 +0400
Ընտրությունների նախնական արդյունքների, հետընտրական զարգացումների և հետագա քաղաքական գործընթացների վերաբերյալ ՀՀ երրորդ նախագահ, ՀՀԿ նախագահ Սերժ Սարգսյանի ճեպազրույցի հիմնական շեշտադրումները.
«Շատ տարբերակներ չկան՝ կա՛մ մանդատները ստանում են, գնում են խորհրդարան, կա՛մ հրաժարվում են մանդատներից»։
«Երկու ձևով էլ կարելի է հասնել հաջողության»։
«Խնդիրը ձևն ընտրելը չէ. խնդիրը հստակ ռազմավարություն ունենալն է»։
«Քաղաքական այն ուժերը, ովքեր անցել են խորհրդարան, այսինքն՝ ում սատարել է մեր ժողովուրդն այդ չափով, նրանք պիտի որոշում կայացնեն»։
«Մենք բոլորս պետք է այդ որոշմանը ենթարկվենք, մենք բոլորս պետք է այդ որոշումներն իրականացնենք»։
«Պայքարում հաջողության համար փողոցը միշտ էլ օգտակար է»։
«Որևէ մեկի համար գաղտնիք չէ, որ և՛ նախընտրական փուլում, և՛ քվեարկության օրը տեղի են ունեցել զանգվածային խախտումներ»։
«Եթե մենք, օրինակ, 2017 թվականին անցկացնեինք այսպիսի ընտրություններ, ապա եվրոպական դիտորդներն անպայման կֆիքսեին հետևյալ նախադասությունը՝ և՛ նախընտրական փուլում, և՛ քվեարկության օրը ընտրություններն անցել են համատարած խախտումներով։ Բայց ես չեմ ակնկալում, որ հիմա այդ դիտորդներն այդպիսի արձանագրում կանեն՝ հասկանալի պատճառներով…»։
«Այո՛, ես վստահ եմ, որ վերահաշվարկի արդյունքում «Բարգավաճ Հայաստանը» կստանա մանդատներ, իսկ եթե ոչ, ապա անհասկանալի կլինի»։
ՀՀ երրորդ նախագահի գրասենյակ