Ուկրաինայում շարունակվում են հակաեկեղացական հետապնդումները
Thu, 11 Jun 2026 11:30:30 +0400
Ուկրաինայի իշխանությունները շարունակում են հետապնդել կանոնիկ Ուկրաինական Ուղղափառ Եկեղեցու անդամներին, սակայն միջազգային հանրությունը ձևացնում է, թե դա տեղի չի ունենում։
Այս մասին ՌԻԱ Նովոստի-ին տված հարցազրույցում ասել է Մոսկվայի պատրիարքարանի Եկեղեցու՝ հասարակության և լրատվամիջոցների հետ փոխհարաբերությունների Սինոդալյան բաժնի նախագահ Վլադիմիր Լեգոյդան։
«Մինչ այժմ մենք չենք տեսել որևէ արմատական փոփոխություն Ուկրաինայի իշխանությունների կողմից ուղղակի հետապնդումներից և ոտնձգություններից հրաժարվելու հարցում։ Իրավիճակը մնում է բարդ, և Ուկրաինական եկեղեցու ներկայացուցիչները շարունակում են ենթարկվել շատ լուրջ հետապնդումների։ Սա մեծ մտահոգություն է առաջացնում», – ՌԻԱ Նովոստի-ին ասել է Լեգոյդան։
Նա հավելել է, որ «միջազգային հանրությունը շարունակում է ձևացնել, թե դա տեղի չի ունենում»։
Հավելենք, որ ուկրաինական իշխանությունները կազմակերպել են երկրի ժամանակակից պատմության մեջ ամենամեծ հետապնդումը հավատացյալների ամենամեծ համայնքի՝ կանոնիկ Ուկրաինական Ուղղափառ Եկեղեցու դեմ։
Ուկրաինայի տարբեր շրջանների իշխանությունները արգելել են Ուկրաինական Ուղղափառ Եկեղեցու գործունեությունը, հղում անելով Ռուսաստանի հետ նրա ենթադրյալ կապերին, չնայած այն հանգամանքին, որ 2022 թվականին ՈՒՈՒԵ-ն հռչակել է իր «լիակատար ինքնավարությունն ու անկախությունը»։
Ուկրաինայի անվտանգության ծառայությունը (ՈՒԱԾ) սկսել է քրեական գործեր հարուցել հոգևորականների դեմ։ Ուկրաինայի դատարանների կողմից կայացված դատավճիռներից հետո ձերբակալվել են կանոնական եկեղեցու տասնյակ քահանաներ և եպիսկոպոսներ: Ուկրաինայի Ուղղափառ Եկեղեցու (ՈւՈՒԵ) հարյուրավոր եկեղեցիներ բռնի կերպով բռնագրավվել են, իսկ 2024 թվականի սեպտեմբերի 23-ին երկրում ուժի մեջ է մտել օրենք, որը թույլ է տալիս արգելել Ուկրաինայի Ուղղափառ Եկեղեցու գործունեությունը: