Թրամփը դառնում է 80 տարեկան․ Փաշինյանը շնորհավորել է
Sun, 14 Jun 2026 16:00:53 +0400
ՀՀ վարչապետ Նիկոլ Փաշինյանը շնորհավորել է ԱՄՆ նախագահ Դոնալդ Թրամփին` 80–ամյակի կապակցությամբ։
«Ծննդյան շնորհավորանքներ հիանալի առաջնորդին և սիրելի ընկերոջը՝ Դոնալդ Թրամփին։ Բարձր ենք գնահատում Ձեր դերը օգոստոսի 8-ի պատմական Խաղաղության գագաթնաժողովում։ Ակնկալում ենք Ձեր վարչակազմի հետ կնքել էլ ավելի շատ պատմական համաձայնագրեր»,- նշել է նա X-ի իր գրառման մեջ։
Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը 2025 թվականի օգոստոսի 8-ին Վաշինգտոնում ստորագրեցին 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան: