«Սա հարձակում է մեր պատմական հիշողության և ազգային արժանապատվության վրա»․ Սամվել դպիր Գրիգորյան

«Սա հարձակում է մեր պատմական հիշողության և ազգային արժանապատվության վրա»․ Սամվել դպիր Գրիգորյան

Sun, 14 Jun 2026 18:04:24 +0400


Սամվել դպիր Գրիգորյանն անդրադարձել է «Մայր Հայաստան» հուշահամալիրի վանդալիզմի դեպքին.

«ՍՐԲԱՊՂԾՈՒԹՅՈՒՆ ԵՎ ՎԱՆԴԱԼԻԶՄ

Վերջին օրերին Գյումրիում երկու պախարակելի դեպք տեղի ունեցավ՝ սրբապղծություն և «Մայր Հայաստան» հուշահամալիրի պղծում։ Կոտրվել են Գյումրու Սուրբ Գրիգոր Լուսավորիչ եկեղեցու պատուհանների ապակիները, իսկ «Մայր Հայաստան» հուշահամալիրը ենթարկվել է վանդալիզմի։

1․ Սրբապղծություն

Աստվածաշնչյան և եկեղեցական ըմբռնմամբ՝ Եկեղեցին պարզապես քարե շինություն չէ, այլ Աստծո Տուն և աղոթքի, եկեղեցու սուրբ խորհուրդների սրբագործված տարածք։ Օծված տաճարի հանդեպ ցանկացած ոտնձգություն որակվում է որպես սրբապղծություն։ Այդպիսի արարքը պետք է համարժեք գնահատական ստանա ոչ միայն իրավապահ մարմինների, այլև հասարակության գիտակից հատվածի կողմից։

Աստվածաշնչում մի դրվագ կա, երբ Օզա անունով մի մարդ, ով դրա իրավունքը չուներ, անզգուշությամբ ձեռքը մեկնեց և դիպավ Աստծո Տապանակին, ինչի համար անմիջապես արժանացավ Աստծո դատաստանին (Բ Թագ. 6:6-7)։

Այնպես որ, Աստծո տաճարի պատուհանը կոտրողը պետք է լավ մտածի ու քանի դեռ ժամանակ ունի, զղջա, ներողություն խնդրի հոգևորականներից ու հավատացյալ մարդկանցից և ապաշխարի, այլապես ինքն էլ չի գիտակցում, թե ինչպիսի պատուհաս է բերելու իր վրա իր սրբապղծությամբ։ Իր իսկ համար օգտակար կլինի, որ հենց եկեղեցու քահանային առաջին հերթին ներկայանա նա։

2․ «Մայր Հայաստան» հուշահամալիրի պղծումը

Գյումրիի խորհրդանիշներից մեկը համարվող «Մայր Հայաստան» հուշահամալիրից պոկել են հերոս–քաղաքների անվանումների ոսկեգույն տառերը։ Հաշվի առնելով, որ տառերը թանկարժեք մետաղից չէին, ակնհայտ է, որ տեղի ունեցածը շահադիտական կողոպուտ չէ, այլ նպատակային վանդալիզմ։ Պղծություն է, երբ հերոս քաղաքների անվան տառերը նետվում են աղբաման:

Սա հուշարձան է, որը խորհրդանշում է Հայրենական մեծ պատերազմում իրենց կյանքը զոհաբերած հայորդիների սխրանքն ու հիշատակը։ Հայ ժողովրդի 500-600 հազ. զավակներ հերոսաբար կռվել է Հայրենական Մեծ պատերազմի մարտի դաշտերում, տվել Խորհրդային Միության 100-ից ավել հերոսներ, 200-300 հազ. զոհեր (մանրամասները` մեկնաբանությունում):

Թուրքական բանակը պատրաստ էր ներխուժել հարավից Կովկաս և ավարտին հասցնել 1915թ․ ցեղասպանության կիսատ թողած գործը հենց որ հերոս-քաղաք Մոսկվան ընկներ, կամ ֆաշիստական Գերմանիան հատեր Վոլգան հերոս-քաղաք Ստալինգրադում (մանրամասները` մեկնաբանությունում)։

Սա հարձակում է մեր ընդհանուր պատմական հիշողության և ազգային արժանապատվության նկատմամբ, արժեհամակարգային ճգնաժամի դրսևորում։

Նման արարքը նույնպես պետք է արժանանա ոչ միայն իրավական, այլ նաև հասարակական հստակ դատապարտման»:

© 2026 Secure News Portal

Source: Hraparak

Hraparak.am

Recent Posts

Իտալիան Կիևից բացատրություն է պահանջել

Իտալիան Կիևից բացատրություն է պահանջել Fri, 20 Nov 2026 12:30:04 +0400 Իտալիայի արտաքին գործերի նախարար…

6 րոպե ago

«Հրապարակ». Ես տեսա հեռացող Փաշինյանին, որը փորձում էր երաշխիքներ ստանալ

«Հրապարակ». Ես տեսա հեռացող Փաշինյանին, որը փորձում էր երաշխիքներ ստանալ Fri, 20 Nov 2026 12:15:05…

21 րոպե ago

Ինչպես է Փաշինյանը գովում Սամվել Կարապետյանին․ ձայնագրություն

Ինչպես է Փաշինյանը գովում Սամվել Կարապետյանին․ ձայնագրություն Fri, 20 Nov 2026 12:14:38 +0400 Latest news…

21 րոպե ago

Հիմա պատասխանեմ քեզ, Նիկոլ Փաշինյան

Հիմա պատասխանեմ քեզ, Նիկոլ Փաշինյան Fri, 20 Nov 2026 11:58:02 +0400 ՊԱՏԵՐԱԶՄԻՑ ՓԱԽԱԾՆԵՐԸ՝ ԸՍՏ ՓԱՇԻՆՅԱՆԻ……

38 րոպե ago

Ընտրություններից հետո քաղաքական ընդդիմախոսների նկատմամբ հետապնդումները նոր թափ են ստանում․ զեկույց

Ընտրություններից հետո քաղաքական ընդդիմախոսների նկատմամբ հետապնդումները նոր թափ են ստանում․ զեկույց Fri, 20 Nov 2026…

48 րոպե ago

«Հրապարակ». Կարկտահարության վնասների չափերը 5 ամիս է՝ քննարկում են

«Հրապարակ». Կարկտահարության վնասների չափերը 5 ամիս է՝ քննարկում են Fri, 20 Nov 2026 11:45:01 +0400…

51 րոպե ago