13 երկիր քննադատել է ՈՒԵՖԱ-ի ղեկավարին
Mon, 15 Jun 2026 19:30:49 +0400
Տասներեք երկրի ֆուտբոլային ֆեդերացիա ստորագրել է համատեղ հայտասրարություն, որով խիստ քննադատության է ենթարկել Եվրոպական ֆուտբոլային ասոցացիաների միության՝ ՈՒԵՖԱ—ի ղեկավար Ալեքսանդր Չեֆերինին, ով բացասաբար էր արձագանքել ֆուտբոլի Աշխարհի առաջնության նոր՝ ընդլայնված ֆորմատի վերաբերյալ։ Հայտարարության մեջ նշվել էր, որ Աշխարհի առաջնությունում անկարեւոր հանդիպումներ չեն լինում եւ Կաբո-Վերդեի, Կյուրասաոյի եւ Ուզբեկստանի համար Աշխարհի առաջնությունում հայտնվելը պատմական նվաճում է, սերունդների երազանքի իրականացում։
Հայտարարության մեջ նշվել է, որ մի շարք հանդիպումները նվազ կարեւոր դիտելը խորը հիասթափություն է առաջացրել Չեֆերինի նկատմամբ։ Նշենք, որ Չեֆերինն էլ հայտարարել էր, որ Աշխարհի առաջնության նոր ֆորմատը անհետաքրքիր է, քանի որ հավաքականներ կան, որոնց մակարդակները խիստ տարբեր են։