Պատմական օր է սպասվում․ Խամենեին ուշագրավ հայտարարություն է արել ԱՄՆ-ի հետ հուշագրի մասին
Fri, 19 Jun 2026 09:30:19 +0400
Իրանի գերագույն առաջնորդ Մոջթաբա Խամենեին հաստատել է, որ թույլատրել է ԱՄՆ-ի հետ հուշագրի կնքումը։ Այս մասին ասված է նրա ուղերձում։
«Չնայած ես այլ կարծիք ունեի, Իրանի հարգարժան նախագահը՝ որպես Ազգային անվտանգության գերագույն խորհրդի նախագահ, ինչպես և մյուս անձինք, պատասխանատվություն ստանձնեցին և ինձ խոստացան պաշտպանել Իրանի ու դիմադրության ճակատի իրավունքները, ուստի ես տվել եմ թույլտվությունը»,-ասված է Խամենեիի ուղերձում։
Իրանն ու ԱՄՆ-ն հունիսի 18-ի գիշերը հեռավար կարգով հուշագիր են ստորագրել, որը նախատեսում է փետրվարի 28-ին սկսված ռազմական հակամարտության դադարեցում։ Հուշագիրը նաև ժամկետներ է սահմանում ԱՄՆ-ի կողմից ծովային շրջափակումը վերացնելու և Իրանի կողմից Հորմուզի նեղուցում նավագնացությունը վերականգնելու համար։
Բացի այդ, Իրանը պարտավորվում է հրաժարվել միջուկային զենք ստեղծելու մտադրությունից, իսկ իրանական միջուկային ծրագրի հարցը պետք է կարգավորվի առանձին համաձայնագրով։ Կողմերն այս հարցով բանակցություններ կանցկացնեն 60 օրվա ընթացքում։
Հավելենք, որ հուշագիրը նախատեսվում է ստորագրել հունիսի 19-ին Շվեյցարիայում։