Նախկին թագավորի թոռանը որոշել են արտահանձնել
Sat, 20 Jun 2026 23:45:16 +0400
Փարիզի վճռաբեկ դատարանը որոշել է Ռումինիային արտահանձնել արքայազն Պավել-Ֆիլիպ Հոգենցոլերնին՝ Ռումինիայի նախկին թագավոր Կարոլ 2-րդի (1893-1953) թոռանը։ Ուշագրավ է այն, որ դատական ակտի հրապարակումից հետո, ֆրանսիական իշխանությունները արքայազնին իր տանը չեն գտել եւ նրա հանդեպ հայտարարվել է միջազգային հետախուզում։ Արքայազն Պավել-Ֆիլիպին Ֆրանսիայում հայտնաբերել էին 2025 թվականին եւ տնային կալանք տվել՝ ռումինական իշխանությունների խնդրանքով։
Ռումինիայում նա մեղադրվում է կոռուպցիայի, փողերի լվացման, հողամասերի հետ կապված կատարված մախինացիաների եւ այլ հանցանքների մեջ։ Սա առաջին անգամը չէ, որ նախկին միապետի թոռը հայտնվում է իրավապահների տեսադաշտում։