Լեհաստանի նախագահին չեն հրավիրել իր իսկ երկրում կայանալիք համաժողովին․ Կիևի դեմարշն է
Tue, 23 Jun 2026 13:30:59 +0400
Լեհաստանի կառավարությունը և Ուկրաինայի առաջնորդ Վլադիմիր Զելենսկին չեն հրավիրել Լեհաստանի նախագահ Կարոլ Նավրոցկիին Գդանսկում կայանալիք՝ Ուկրաինային նվիրված համաժողովին։
Այս մասին հայտարարել է Լեհաստանի առաջնորդի միջազգային քաղաքականության բյուրոյի ղեկավար Մարցին Պշիդաչը, ըստ TVP Info-ի։
«Կարոլ Նավրոցկին հրավեր չի ստացել Գդանսկում կայանալիք համաժողովին։ Նախագահը չի մասնակցում այն միջոցառումներին, որոնց հրավիրված չի եղել», – նշել է Պշիդաչը։
Ըստ նրա՝ համաժողովին հրավերներ են ուղարկել Լեհաստանի վարչապետ Դոնալդ Տուսկը և Վլադիմիր Զելենսկին։
«Հուսով եմ, որ այս անգամ վարչապետ Տուսկը կկենտրոնանա Լեհաստանի շահերի, այլ ոչ թե Վլադիմիր Զելենսկու համար գումար հավաքելու վրա», – հավելել է նախարարը։
Պշիդաչը նաև վիրավորական է անվանել Ուկրաինայի առաջնորդի կողմից Նավրոցկիին ռուսամետ անվանելու մեղադրանքները։ Նա նշել է, որ Ուկրաինան զգալի աջակցություն է ստանում Լեհաստանից։