Լեգիտիմության վերջին նշույլները կորցրած ՔՊ-ականների մոտ խուճապային տրամադրություններ են
Tue, 23 Jun 2026 16:45:43 +0400
«Մայր Հայաստան» կուսակցության անդամ Դերենիկ Մալխասյանը ֆեյսբուքյան իր էջում գրել է․
«Ինչքան խորանում են իշխանության վախերը, այդքան ավելի նենգ, սադրիչ ու սարսափելի է դառնում ՔՊ-ական իշխանությունը։
60 հոգով 2 հոգու վրա հարձակվելը չի տեղավորվում որևէ բարոյական նորմի շրջանակում։ Նման վարքագիծը չի հարգվում մարդակային փոխհարաբերությունների որևէ շրջանակում։ Առավել ևս, որ դա արվում է իրավապահ համակարգի մեջքի հետևում թաքնված, քանի որ ՔՊ-ականների մոտ կա անպատժելության զգացում։
Բռնության մշակույթը քաղաքականության մեջ խրախուսող, իրավապահ համակարգը քաղաքական ընդդիմախոսներին պատժելու գործիք օգտագործող իշխանությունը դատապարտված է։ Նիկոլական կոնցլագերային ռեժիմը ապագա չունի։ Հունիսի 7-ի ընտրություններով լեգիտիմության վերջին նշույլները կորցրած ՔՊ-ականների մոտ խուճապային տրամադրություններ են՝ իշխանությունը պահելու համար պետք է կոշտացնեն ավտորիտար համակարգ, որի ռեսուրսը չունեն»։