Խցանումներից զզված, ծառազուրկ փողոցներում արևից այրվող երևանցին սա՞ էր սպասում
Wed, 24 Jun 2026 13:07:32 +0400
Երևանի ավագանու անդամ Քրիստինա Վարդանյանը անդրադարձել է քաղաքային կառավարման ներկայիս մթնոլորտին և վերջին նիստերից մեկում տեղի ունեցած զարգացումներին։
Նրա խոսքով՝ ավագանու անդամ դառնալու հիմնական նպատակը եղել է քաղաքի զարգացմանը նպաստելը՝ սեփական ոլորտում մասնագիտական, հիմնավորված և արդյունավետ բարեփոխումներ իրականացնելու միջոցով։
«Երեկ նայում էի դահլիճում կատարվողին և մտածում՝ ինչպես հասանք այս կետին։ Տրանսպորտին վերաբերող ելույթների բաժնում ավագանու անդամը խորհուրդ է տալիս ԱԺ ընտրված ընդդիմությանը մանդատ չվերցնել, որ «բոքսի տանձիկ» չդառնան, մյուս նորընտիր պատգամավորը հեգնում է, թե «ավտոբուսի ծխից ու փոշո՞ւց եք խոսում» ընտրակաշառք բաժանողներ, ջրով շիշը նետում դահլիճ, քաղաքապետը սպառնում է «կաշիները քերթել: Սա՞ էր սպասում խցանումներից զզված, ծառազուրկ փողոցներում արևից այրվող և փոշուց շնչահեղձ լինող երևանցին:
Լավ, վերջը ո՞րն է»,- նշել է նա: