«Հրապարակ»․ Աղմկահարույց նախագծեր՝ հուլիսի 2-ին
Sat, 27 Jun 2026 08:05:37 +0400
Հեռացող Ազգային ժողովը հուլիսի 2-ին նիստ է հրավիրել, որի օրակարգում, նախնական տեղեկություններով, մի շարք աղմկահարույց նախագծեր են։ Դրանցից մեկը պատգամավորական երդման տեքստի փոփոխության նախագիծն է, մյուսը արտերկրում գտնվող մեր հայրենակիցներին ընտրության իրավունքից զրկելու հակասահմանադրական նախագիծն է, ինչպես նաեւ՝ էթիկայի հանձնաժողով ստեղծելու վերաբերյալ նոր կարգավորումներն են։
Այն պատգամավորները, որոնք տեղ չեն զբաղեցնելու հաջորդ խորհրդարանում, փաստորեն, հավասար պատասխանատվություն են կիսելու իրենց այն թիմակիցների հետ, որոնք առաջիկայում պատգամավոր են լինելու: Համատեղ ուժերով որոշել են երդման տեքստից ջնջել հայ ժողովրդի համազգային նպատակների վերաբերյալ արձանագրումը։