Աշխարհի 1000 համալսարանների մեջ չկա ոչ մի համալսարան Հայաստանից, իսկ Ադրբեջանից․․․
Sat, 27 Jun 2026 13:30:13 +0400
Հրապարակվել է համալսարանների համաշխարհային վարկանիշավորման աղյուսակը («QS World University Rankings 2027»):
Աշխարհի 1000 համալսարանների մեջ չկա ոչ մի համալսարան Հայաստանից, իսկ Ադրբեջանից, ուշադրությո’ւն, 7 համալսարան, որոնցից ամենաբարձրն արդեն 565-րդն է:
Բայց ամենահետաքրքիրը դա չէ. ընդամենը 3 տարի առաջ նույն ցանկում եղել է 0 համալսարան Ադրբեջանից:
Այս գրառումն այն մասին չէ, թե որքան լավն են ադրբեջանական համալսարանները: Ճիշտ հակառակը՝ ո’չ իրենք են շատ բարձր դիրքերում դեռ, ո’չ էլ վարկանիշներն են որակի վերջնական երաշխիք: Գրառումն այն մասին է, որ նույնիսկ իրենք են կարողանում ընդամենն ակնհայտ նվազագույն քայլերն անելով էական առաջընթաց գրանցել:
Իսկ թե մենք ինչու մինչև հիմա չենք կարողանում անել ակնհայտ նվազագույն քայլերը, պատճառները կրկին ակնհայտ են՝ սնապարծություն, ինքնախաբեություն, խիզախության պակաս, կարճաժամկետ մտածողություն…
Հ.Գ.
Մասնագիտական թեմաներով սովորաբար Լինքդինում եմ գրում՝ անգլերեն, սակայն այս մեկը միայն Ֆեյսբուքում կթողնեմ, որովհետև այնտեղ չափից շատ են միջազգային գործընկերները, իսկ ես ուզում եմ, որ սա միայն մենք կարդանք:
Ռուբեն Հայրապետյանի էջից