Թրամփը թուրք աղջի՞կ ունի․ սկանդալային պատմություն
Sat, 27 Jun 2026 17:00:23 +0400
Թուրքիայի բնակչուհի Նեջլա Օզմենը, որը նախկինում պնդում էր, թե ինքն ԱՄՆ նախագահ Դոնալդ Թրամփի կենսաբանական դուստրն է, նամակ է ուղարկել ԱՄՆ դեսպանատան միջոցով՝ խնդրելով հանդիպում Ամերիկայի առաջնորդի հետ՝ վերջինիս ՆԱՏՕ-ի գագաթնաժողովի շրջանակներում Անկարա սպասվող այցի ժամանակ, հաղորդում է Haber 7 պորտալը։
«Ես նամակն ուղարկել եմ ԱՄՆ դեսպանատան միջոցով, քանի որ ուզում եմ հանդիպել այն մարդուն, որին ես հայր եմ անվանում», – Օզմենի խոսքերն է մեջբերել պորտալը։
Նա ասել է, որ հույս ունի անձամբ խոսել Թրամփի հետ նրա՝ Թուրքիայում գտնվելու ընթացքում։
Նեջլա Օզմենի պատմությունը լայնորեն հրապարակվել է Թուրքիայում մի քանի տարի առաջ։ 2021 թվականին 56-ամյա կինը հայրության ճանաչման հայց է ներկայացրել՝ պնդելով, որ Թրամփը իր կենսաբանական հայրն է։
Կնոջ խոսքով՝ մայրն իրեն պատմել է, որ ամերիկացի գործարարի հետ հանդիպել է, երբ նա արտասահմանում է եղել, բայց երկար ժամանակ գաղտնի է պահել այս գաղտնիքը։
Օզմենը բազմիցս պահանջել է ԴՆԹ թեստավորում և հայտարարել, որ ինքը նյութական որևէ շահույթ չունի, այլ պարզապես ցանկանում է հաստատել իր ծագումը և անձամբ հանդիպել Թրամփին։ Նրա պնդումները հաստատող որևէ ապացույց չի ներկայացվել։
Ամերիկայի նախագահը և նրա ներկայացուցիչները հրապարակավ չեն մեկնաբանել այս մեղադրանքները, իսկ թուրքական դատարանները կնոջ ցուցմունքը հաստատող որոշումներ չեն կայացրել։