Ինքնասպանություն Գյումրիում. տղամարդը վերջ է տվել կյանքին՝ ձեռքում նռնակը պայթեցնելով
Sun, 28 Jun 2026 18:40:15 +0400
Ժամը 16:00-ի սահմաններում ՀՀ ՆԳՆ ոստիկանության Քրեական ոստիկանության գլխավոր վարչության Շիրակի մարզային վարչությունում օպերատիվ տեղեկություն է ստացվել, որ Գյումրի քաղաքի բնակելի տներից մեկում պայթյուն է տեղի ունեցել, որի հետևանքով կա զոհ։ Դեպքի վայր ժամանած քրեական ոստիկաններն ու փրկարարները պարզել են, որ տեղեկությունը համապատասխանում է իրականությանը։ Տանը հայտնաբերվել է նույն տան բնակիչ, 51-ամյա Վազգեն Ա.-ի դին։ Դեպքի փաստով քննչական վարչությունում նախաձեռնվել է քրեական վարույթ։ Նախնական տվյալներով՝ տղամարդը նռնակի պայթեցման միջոցով ինքնասպանություն է գործել։ Դեպքի բոլոր հանգամանքները պարզվում են։