Իրանի հարվածները միլիարդավոր դոլարների վնաս են հասցրել ԱՄՆ ռազմաբազաներին
Sun, 28 Jun 2026 19:30:33 +0400
Իրանի հարվածների հետևանքով վնասվել են Մերձավոր Արևելքում գտնվող տասնյակ ամերիկյան ռազմական օբյեկտներ։
The Wall Street Journal-ի հետաքննության համաձայն՝ պատճառված նյութական վնասը կարող է հասնել 5,1 միլիարդ դոլարի, իսկ ամենացածր գնահատականով այն կազմում է 2,2 միլիարդ դոլար։
Աղբյուրի փոխանցմամբ՝ փետրվարի վերջից մինչև հունիս Իրանի պարբերական հարվածները լուրջ վնասներ են հասցրել Բահրեյնում տեղակայված ԱՄՆ ռազմածովային ուժերի ռազմաբազային։
Արբանյակային լուսանկարների վերլուծության համաձայն՝ վնասվել են օպերատիվ հրամանատարական կենտրոնը, շուրջ տասը շենք և կապի տերմինալները։