Եղած աշխարհակարգն այլեւս գոյություն չունի․ նորն է ձեւավորվում․ Նուման Քուրթուլմուշ
Sun, 28 Jun 2026 21:00:22 +0400
Աշխարհում ներկայումս տեղի ունեցող պրոցեսները ցույց են տալիս, որ նախկին աշխարհակարգը այլեւս գոյություն չունի եւ բացարձակապես նոր աշխարհակարգ է ձեւավորվում։ Բազմաբեւեռ աշխարհակարգի անցումն այլեւս անխուսափելի է։ Այս մասին հայտարարել է Թուրքիայի խորհրդարանի խոսնակ Նուման Քուրթուլմուշը՝ ընդգծելով, որ ներկայիս իրավիճակը եզակի հնարավորություններ է ստեղծում մահմեդական աշխարհի համար։
Ելույթ ունենալով Իսլամական համագործակցության կազմակերպության պառլամենտական միության Կոնֆերանսի 20-րդ նստաշրջանում՝ Քուրթուլմուշը կոչ է արել ստեղծված հնարավորությունները գնահատել առավելագույնս գրագետ՝ օգուտներ քաղելու համար։