Կհրաժարվեն ԱՄՆ օգնությունից
Fri, 03 Jul 2026 20:00:35 +0400
Իսրայելի վարչապետ Բենիամին Նեթանյահուն հայտարարել է, որ մտադիր է արդեն այս տարի հրաժարվել ամերիկյան ֆինանսական օգնությունից։ Այս մասին հայտնում է «News 18»-ը։ Համաձայն հաղորդման, Նեթանյահուն հայտարարել է, որ ներկայումս Իսրայել պետության տնտեսությունը բավականին ուժեղ է, եւ կարող է «յոլա գնալ» առանց ամերիկյան ֆինանսական օգնության։
Նա ընդգծել է, որ Վաշինգտոնի աջակցությունը նման է «սոցիալական նպաստի», որի կարիքը այլեւս չկա։ «Մեր տնտեսությունը այլեւս փոքր չի համարվում եւ մենք կարող ենք ֆինանսավորել ՀՆԱ այն մեկ տոկոսը, որը ստանում ենք Միացյալ Նահանգներից»,- ասել է Նեթանյահուն։ Նա խոսել է նաեւ անվտանգային եւ ռեգիոնալ օրակարգին վերաբերող այլ հարցերից եւս։