Երիտասարդը ձերբակալվել է
Fri, 03 Jul 2026 20:45:09 +0400
Հունիսի 30-ի առավոտյան 112 ծառայություն ահազանգած Կոտայքի մարզի Սոլակ գյուղի մի բնակիչ հայտնել էր, որ գողացել են տան մոտ կայանված «Շևրոլե» մակնիշի իր մեքենան։ Այս մասին տեղեկանում ենք ՆԳՆ ոստիկանությունից։
Կոտայքի մարզային քննչական վարչությունում նախաձեռնվեց քրեական վարույթ, որի շրջանակում Հրազդանի համայնքային ոստիկանների ձեռնարկած միջոցառումներն արագ արդյունք տվին Համայնքային ոստիկանության Մասիսի բաժնի գործընկերների և Արարատի մարզի պարեկների հետ համագործակցության շնորհիվ։
Պարզվեց, որ մեքենան գողացել է Սոլակ գյուղի բնակիչ 22-ամյա երիտասարդը։ Հուլիսի 1-ին երիտասարդն ու գողացված մեքենան հայտանաբերվեցին Մասիս քաղաքում և տեղափոխվեցին Հրազդանի բաժին։
Երիտասարդը ներկայացվել է նախաքննական մարմին։
Նախաքննությամբ հանգամանքները պարզվում են։