Կրկին զոհեր և վիրավորներ․ Կիևը սարսափելի գիշերը
Mon, 06 Jul 2026 11:30:44 +0400
Ռուսական բանակն անցած գիշեր Կիևին հարվածել է բալիստիկ և թևավոր հրթիռներով, ինչպես նաև գրոհային անօդաչու թռչող սարքերով, հայտնում են ուկրաինական ԶԼՄ-ները։
Կիևի քաղաքային ռազմական վարչակազմի ղեկավար Տիմուր Տկաչենկոյի խոսքով՝ հարվածների հետևանքով զոհվել է ինը և վիրավորվել 46 մարդ։
Պոդոլսկի շրջանում բնակելի շենքը մասամբ ավերվել է, և փլատակների տակ կարող են մարդիկ լինել։ Անօդաչու թռչող սարքը հարվածել է Վարշավսկի բնակելի համալիրին, Սլավուտիչ բնակելի համալիրին և Պոզնյակի բնակելի շենքերի մոտակա տարածքին։ Հրդեհներ են բռնկվել Պոդոլսկի շրջանի չորս բնակելի շենքերում, իսկ Գոլոսիևսկի և Դարնիցկի շրջաններում այրվել են նաև բազմահարկ շենքեր։
Կիևի մարզում զոհվել է մեկ մարդ, վիրավորվել է առնվազն 10 մարդ։