Աղավնի է թռցնում, չի թռչում, առյուծ են քնեցնում, չի զարթնում․․․

Աղավնի է թռցնում, չի թռչում, առյուծ են քնեցնում, չի զարթնում․․․

Wed, 08 Jul 2026 15:15:42 +0400


Հայաստանում նույնիսկ խորհրդանշական պատկերներն են դարձել քաղաքական։ Ճերմակ աղավնին խաղաղության, բարության, հաշտության, սիրո խորհրդանիշ է։ Զոլաքարում քարոզարշավի ընթացքում Նիկոլ Փաշինյանին աղավնի են տվել՝ այն օդ բաց թողնելու, թռցնելու համար։ Սակայն թռչունը չի թռել և փռվել է գետնին։ Պատկերը կարող էր սովորական սիմվոլիկա համարվեր, եթե թարմ չլիներ, երբ Լաչինի միջանցքում էկոակտիվիստ ներկայացող մի կին աղավնի բաց թողեց ու աղավնին փռվեց գետնին։ Ու դրանից հետո սկսվեց «խաղաղության» դառը աղետը Արցախում։ Հայաստանում նույնպես աղավնին օդ չբարձրացավ և շուտով գուցե թե հասկանանք, թե ճերմակ ու Աստծո հրեշտակ թռչունը ինչ էր հուշում մեզ։ Փաշինյանն ասաց աղավնուն՝ թռիր, խաղաղության խորհրդանիշ եղիր, որ ժողովուրդը տեսնի ու հավատա։ Աղավնին նայեց շուրջը, գնահատեց իրավիճակը և որոշեց՝ այս պատմության մեջ թռչելու բան չկա։ Ո՞նց չմտածես, որ երբեմն թռչուններն են ավելի լավ զգում իրավիճակը, քան մենք, որ ուղտի ականջում քնած ենք։

Բայց անցնենք մյուս խորհրդանիշին՝ առյուծին։ Գագիկ Ծառուկյանի առյուծների պատմությունը հանրային քննարկման դառը թեմա է։ Առյուծը տարբեր մշակույթներում համարվում է ուժի, իշխանության, քաջության, հպարտության, հաղթանակի, արժանապատվության և պաշտպանողի կերպարի խորհրդանիշ։ Առյուծ են քնեցրել, չի զարթնել։ Երբ մարդիկ լսում են անկենդան առյուծի մասին, շատերի համար դա վերածվում է այլաբանության՝ մի երկրի մասին, որը երբեմնի ուժի ու հպարտության խորհրդանիշներ ուներ, բայց այսօր հայտնվել է ծանր, անկենդան վիճակում։

Ի վերջո, քաղաքականությունը միայն որոշումներ ու հայտարարություններ չեն։ Քաղաքականությունը նաև խորհրդանիշների լեզու է։ Երբեմնի հզոր Հայաստանի պատկերը զուգահեռվում է անկված առյուծի հետ։

© 2026 Secure News Portal

Source: Hraparak

Hraparak.am

Share
Published by
Hraparak.am

Recent Posts

Փլատակներում մարդիկ են մնացել, այդ թվում՝ երեխաներ․ ռուսների գրոհը Կիևի մարզին

Փլատակներում մարդիկ են մնացել, այդ թվում՝ երեխաներ․ ռուսների գրոհը Կիևի մարզին Sun, 22 Nov 2026…

21 րոպե ago

Ջենիֆեր Լոպեսը կարմիր գորգ է դուրս եկել թափանցիկ զգեստով և 100 կարատանոց ադամանդով

Ջենիֆեր Լոպեսը կարմիր գորգ է դուրս եկել թափանցիկ զգեստով և 100 կարատանոց ադամանդով Sun, 22…

35 րոպե ago

Պրեմիերա. Ջիվան Գասպարյան կրտսերը նոր տեսահոլովակ է ներկայացրել

Պրեմիերա. Ջիվան Գասպարյան կրտսերը նոր տեսահոլովակ է ներկայացրել Sun, 22 Nov 2026 16:42:17 +0400 Պրեմիերա.…

38 րոպե ago

Բելգիան գործադուլի պատճառով 14 ժամով կփակի իր օդային տարածքը

Բելգիան գործադուլի պատճառով 14 ժամով կփակի իր օդային տարածքը Sun, 22 Nov 2026 16:30:03 +0400…

51 րոպե ago

Նիկոլ ջան, որ դեկտեմբերին գնաս Ռուսաստան քեզ ցարի տեղ չդնես

Նիկոլ ջան, որ դեկտեմբերին գնաս Ռուսաստան քեզ ցարի տեղ չդնես Sun, 22 Nov 2026 16:15:48…

1 ժամ ago

Ռուսները նոր բնակավայր են գրավել

Ռուսները նոր բնակավայր են գրավել Sun, 22 Nov 2026 16:00:07 +0400 Ռուսական բանակը վերահսկողություն է…

1 ժամ ago