Իսրայելը պատրաստ է միանալ Իրանի դեմ ԱՄՆ ռազմական գործողություններին (վերջին երկու օրերին ամերիկյան զինուժը Թրամփի հրահանգով վերսկսել է դրանք-խմբ․), եթե Վաշինգտոնը պաշտոնապես դիմի օգնության խնդրանքով, հաղորդում է The New York Post-ը՝ հղում անելով աղբյուրներին։

«Մենք ապացուցել ենք մեր աջակցությունը Միացյալ Նահանգներին։ Ես վստահ չեմ, որ Իսրայելի համար ձեռնտու կլինի միանալ [այս պահին], բայց մենք հասկանում ենք, որ պետք է ներգրավենք մեր ուժերը։ Մենք պատրաստ ենք դա կրկին անել անհրաժեշտության դեպքում», – ասել է պաշտոնյաներից մեկը։

Իսրայելի իրավական կենտրոնի (Շուրատ-աԴին) հիմնադիր, իրավպաշտպան Նիցանա Լեյթները նույնպես չի բացառել այս հնարավորությունը։ «Եթե Միացյալ Նահանգները կոչ անեն Իսրայելին միանալ իրենց, Իսրայելը կլինի այնտեղ՝ ոչ թե խոսքերով, այլ գործերով և իրական ռազմական համագործակցության միջոցով», – ասել է նա։

Ավելին, Լեյթները քննադատել է եվրոպացի դաշնակիցներին՝ մեղադրելով նրանց «դատարկ հայտարարություններ» անելու մեջ՝ Թեհրանի դեմ վճռական գործողություններ ձեռնարկելու փոխարեն։

Միևնույն ժամանակ, աղբյուրները նշում են, որ կառավարությունը «չի ցանկանում» վերադառնալ պատերազմական վիճակի. Իսրայելի բնակչությունը ստիպված է եղել զանգվածաբար նահանջել դեպի ռմբակոծման ապաստարաններ՝ Թեհրանի կողմից պարբերաբար հրթիռային հարձակումների պատճառով։

Էսյալացիայի սրման ֆոնին Իսրայելի պաշտպանության նախարար Իսրայել Կացը հայտարարել է, որ երկրի պաշտպանության բանակը «պատրաստ է երրորդ անգամ հարվածել Իրանին, և ավելի մեծ ուժով, քան նախկինում», եթե դա արդարացված լինի անվտանգության շահերը պաշտպանելու անհրաժեշտությամբ։